Gushikira ivyo urondera

Hitamwo ururimi

Ja ku rutonde rw'ibirimwo rwa kabiri

Ja ku rutonde rw’ibirimwo

Ja ku birimwo

Ivyabona vya Yehova

Ikirundi

Bibiliya kuri internet

BIBILIYA Y’ISI NSHASHA

Yobu 19:1-29

19  Yobu arishura ati:   “Muzogeza ryari kuguma muntera ishavu+ No kuguma munjanjaguza amajambo+?   Zibaye incuro cumi mumpambarira; Nta soni mugira kumfata nabi gutyo+.   Nimba data wanje nakoze ikosa+, Ikosa ryanje ni je rizobako.   Nimba vy’ukuri mwihambaza kuri jewe+, Mukerekana ko iceyi kindiko kinkwiriye+,   Nimumenye rero yuko Imana ari yo impubishije, Ikanyugaranira mu rusenga rwayo rw’uruhigi+.   Raba! Nguma nsemerera nti: ‘Ubukazi!’ mugabo nta nyishu ndonka+; Nguma ntabaza, mugabo nta butungane+.   Umunyuro wanje yawuzibije uruhome rw’amabuye+, kandi sinshobora kurengana; Mu mabarabara yanje na ho ihashize umwiza+.   Ubuninahazwa bwanje yabunyambuye+, Inkurako urugori rw’umutwe wanje. 10  Insitura impande zose, nkigira; Irandura icizigiro canje nk’igiti. 11  Ishavu ryayo na ryo nyene rirandurumbira+, Kandi iguma imfata nk’umurwanizi wayo. 12  Abasirikare bayo baza ari urunani bakaringaniza inzira yabo ngo bandwanye+, Bagakambika hirya no hino y’ihema ryanje. 13  Bene wacu ibashize kure yanje+, Abari banzi na bo barakevya, baranta. 14  Abagenzi somambike banje ntibakiriho+, Abo nari nzi na bo banyibagiye, 15  Ababayeho ari ba kavamahanga mu nzu yanje+; abashumbakazi banje bamfata nk’uw’ahandi; Nsigaye ndi umunyamahanga nyawe mu maso yabo. 16  Mpamagaye umusavyi wanje, ariko ntiyitaba. Nguma ndamutakambira n’akanwa kanje ngo angirire impuhwe. 17  Impemu zanje zisigaye zishisha umugore wanje+, Nsigaye nukira bene mama. 18  N’uduhungu dutoyi twantaye nk’akanuka+; Mpfa guhaguruka, tugatangura kuntuka. 19  Abo mu mugwi w’abagenzi banje somambike bose banyanka urunuka+, Abo nakunda na bo bampindutse+. 20  Amagufa yanje yumiye ku rukoba rwanje no ku nyama zanje+, Mpunganye urukoba rw’amenyo yanje. 21  Nyumvira impuhwe na nkeyi, nyumvira impuhwe na nkeyi, emwe bagenzi+, Kuko ukuboko kw’Imana kunkozeko+. 22  Kuki muguma mumpama nk’uko Imana impama+, Ntimuhazwe n’inyama zanje? 23  Ese iyaba amajambo yanje yokwanditswe! Ese iyaba yokwanditswe mu gitabu! 24  Ese iyaba yokorogoshowe mu gitandara ibihe bidahera, N’agasáruzo k’icuma+ n’ubutare bw’isǎsu! 25  Kandi jewe ndazi neza ko umucunguzi wanje+ ari muzima, Kandi ko niyaza mu nyuma zanje azohagarara+ ku mukungugu. 26  Kandi mu nyuma y’urukoba rwanje, urwo bashishuye,—ibi! Naho inyama zanje zoba zampezeko, nzokwitegereza Imana, 27  Iyo mbere nzokwitegereza ku bwanje+, N’amaso yanje akayibona koko, mugabo uw’ahandi ntazoyibona. Amafyigo yanje yagwabiye ibwina muri jewe. 28  Kuko muvuga ngo: ‘Tuguma tumuhamira iki+?’ Kandi umuzi w’ingorane uri muri jewe. 29  Nimutinyire ubuzima bwanyu kubera inkota+, Kuko inkota isigura ugushangashirwa kubera amakosa, Kugira mumenye ko hariho umucamanza+.”

Amakuru yiyongereye