Ja ku birimwo

Ja ku rutonde rw'ibirimwo rwa kabiri

Ja ku rutonde rw’ibirimwo

Ivyabona vya Yehova

Ikirundi

Bibiliya kuri internet | BIBILIYA Y’ISI NSHASHA

Yobu 16:1-22

16  Yobu arishura ati:   “Numvise vyinshi nk’ivyo. Mwese muri abahoza batera umubabaro+!   Burya amajambo y’umuyaga+ aragira iherezo? Canke ubabajwe n’iki, ku buryo unyishura?   Na jewe nari gushobora kuvuga nkamwe. Iyaba mwari aho ndi, Ubwo nari kugwiza amajambo ndabanegura+, Nkabazungiriza umutwe+?   Nari kubakomeza n’amajambo y’akanwa kanje+, Kandi ukwirura kw’iminwa yanje kwotururuje . . .   Mvuze, umubabaro wanje ntutururuzwa+, Ndetse na ho, ikigabanuka kuri jewe ni igiki?   Ni uko gusa ubu yatumye ndambirwa+; Yatumye abakoranira hamwe nanje bose basigara bifumbereje.   Kandi urancakiye. Bibaye icabona+, Ku buryo ukunanuka kwanje kumpagurukira. Kurashinga intahe mu maso hanje.   Ishavu ryiwe ryantabaguye, ambikira akazikira+. Ampekenyera amenyo+. Umurwanizi wanje ubwiwe anzuriye amaso+. 10  Bantabururiye umunwa+, Amatama yanje bayakubise iceyi, Bankoraniye ari isinzi+. 11  Imana ingabura ku duhungu dutoyi, Ikancuranguriza mu maboko y’ababisha+. 12  Nari nitekaniye, ariko itangura kunzungagiza+; Insumira ku gakanu itangura kunsavya, Ingira ico itumberezako imyampi. 13  Abarashi+ bayo barankikuje; Insatura amafyigo+ ntiyumve impuhwe; Isesa hasi indurwe yanje. 14  Iguma intobagura ngasigara ndi ibihengeri; Inyirukako nk’umunyenkomezi+. 15  Nshoneye igunira*+ ku rukoba rwanje, Nzitse ihembe ryanje mu mukungugu+. 16  Mu maso hanje hatukujwe n’ukurira+, Ku bigohe vyanje na ho hari igitutu kizitanye+, 17  Naho ata bukazi buri ku biganza vyanje, N’isengesho ryanje rikaba rityoroye+. 18  Ewe wa si we, ntupfuke amaraso+ yanje! Kandi ntihaboneke ikibanza c’amaborogo yanje! 19  N’ubu raba! Mu majuru hariho uwunshingira intahe, Kandi icabona canje kiri iyo hejuru+. 20  Abagenzi banje ni abavugizi bandwanya+; Ijisho ryanje riguma rihanze Imana ata kugoheka+. 21  Kandi umuntu w’umugabo be n’Imana babwirizwa gutaturwa, Nka kurya kw’umwana w’umuntu na mugenziwe+. 22  Kuko hasigaye imyaka mikeyi gusa, Nkigira njanye umunyuro ntazongera kugarukana+.

Amakuru yiyongereye

Raba Inyongera ya 21.