Yobu 13:1-28
13 “Raba! Ivyo vyose ijisho ryanje ryabibonye,Ugutwi kwanje kwavyumvise kurabirimbura.
2 Ivyo mwebwe muzi na jewe ndabizi;Sindi munsi yanyu+.
3 Ariko, jeho nobwira Mushoboravyose ubwiwe+,Kandi nohimbarwa no guharira n’Imana.
4 Nayo mwebwe muri abasigiririza ikinyoma+;Mwese muri abaganga ata co bamaze+.
5 Ese iyaba gusa mwoguma mucereje koko,Kugira ngo bibabere ubukerebutsi+!
6 Ndabinginze mwumvirize ivyiyumviro vyanje bibeshuza+,N’imburano z’iminwa yanje muzitege ugutwi.
7 Mbega Imana ubwayo ni yo mwovugira ibitagororotse,Kandi mukayivugira ivy’ububeshi+?
8 Mbega mwoyigirira nkunzi+,Canke Imana y’ukuri mwoyiburanira mu rubanza?
9 Mbega vyoba vyiza ko ibasuzuma+?Canke mwoyikina nk’uko bakina umuntu buntu?
10 Ntizobura kubakangira+Nimwagerageza kugira nkunzi mu mpisho+;
11 Mbega iteka ryayo ntirizobaca ivutu,N’uguterwa ubwoba na yo kukabagwako+?
12 Amajambo yanyu y’intibagirwa ni imigani y’iminyota;Imikondo y’inkinzo zanyu ni nk’imikondo y’inkinzo z’ibumba+.
13 Nimucereze imbere yanje, kugira nanje mvuge.Maze bice aho bishaka!
14 Kuki ntwara inyama z’umubiri wanje mu menyo,Ngashira ubuzima bwanje mu kaga*+?
15 Naho yonyica, mbega sinorindira+?Noburanira gusa inzira zanje mu maso yayo.
16 Ni yo kandi izoba ubukiriro bwanje+,Kuko ata muhuni azokwinjira imbere yayo+.
17 Nimwumve amajambo yanje gushika mpeze+,Mureke ijambo ryanje ribe mu matwi yanyu.
18 Raba, ndabinginze! Nshingishije urubanza+;Ndazi neza ko jewe ndi mu kuri.
19 Ni nde yonigana nanje+?Kuko ubu hamwe nocereza noca ncikana!
20 Gusa Mana, ngusaba kutangirira ibintu bibiri;Ni ho ntoheza ngo nihishe kubera wewe+;
21 Niwigize kure ukuboko kwawe kumveko,N’ukugucikira ivutu, ntikuntere ubwoba+.
22 Hamagara kugira nanje nitabe;Canke na ho mvuge, nawe unyishure.
23 Ni mu buryo ki mfise amakosa n’ibicumuro?Numenyeshe umugararizo wanje n’igicumuro canje.
24 Kuki uhisha mu maso hawe+Ukamfata nk’umwansi wawe+?
25 Mbega wojugumiza ibabi ry’ibabi riguruwe n’umuyaga,Canke ukaguma woma inyuma ibishakara vyumye?
26 Kuko uguma wandika ibintu bimbera umururazi+,Ukansubizako ingaruka z’amakosa y’ubuto bwanje+.
27 Ugumiza kandi ibirenge vyanje mu mpatane z’ibiti*+,Ukagumiza ijisho ku minyuro yanje yose;Kuko ubworo bw’ibirenge vyanje ubucira umurongo wawe bwite.
28 Kandi ameze* nk’ikibore kiriko kirashira+;Nk’impuzu iriwe n’agakoko* igahera+.
