Ja ku birimwo

Ja ku rutonde rw'ibirimwo rwa kabiri

Ja ku rutonde rw’ibirimwo

Ivyabona vya Yehova

Ikirundi

Bibiliya kuri internet | BIBILIYA Y’ISI NSHASHA

Yobu 12:1-25

12  Yobu arishura ati:   “Ni ukuri mwebwe ni mwe bantu, Ubukerebutsi buzopfana namwe+!   Na jewe mfise umutima+ nkamwe. Sindi munsi yanyu+; Ni nde adafise ibintu nk’ivyo?   Ncitse umuntu w’akamenyo kuri mugenziwe+, Uwuhamagara Imana ngo imwishure+. Umugororotsi, uwutagirako umugayo, abaye akamenyo.   Mu vyiyumviro, uwutagira amaganya akengera ukuzimangana+; Guteguriwe ab’ibirenge binyoganyoga+.   Amahema y’abanyazi nta maganya agira+, Kandi abatera Imana gushangashirwa bifitiye umutekano Ufiswe n’uwuzanye imana mu kuboko kwiwe+.   Ariko, ndakwinginze ubaze ibitungwa, bizokwigisha+; N’ibiremwa vy’amababa vyo mu kirere, bizokubwira+.   Canke, niwegere isi, izokwigisha+; N’amafi yo mu kiyaga+ azobikumenyesha.   Ni nde muri abo bose atazi neza Yuko ukuboko kwa Yehova ari kwo kwakoze ivyo+, 10  Umwe afise mu kuboko kwiwe ubuzima+ bw’umuntu wese muzima Be n’impwemu y’umubiri wose w’umuntu+? 11  Mbega ugutwi ntigucaca amajambo+ Nk’uko amagage+ ahonja ibifungurwa? 12  Mbega ubukerebutsi ntiburi mu basaza+ N’ugutegera kukaba mu bwinshi bw’imisi? 13  Iwe ni ho habarizwa ubukerebutsi n’ubushobozi+; Ni we afise impanuro n’ugutegera+. 14  Raba! Arasambura, ntihagire uwubaka+; Arugara vyose ku muntu, ntivyuguruke+. 15  Raba! Atangira amazi agakama+; Yayarungika na ho, agahindura isi+. 16  Iwe hari inkomezi n’ubukerebutsi ngirakamaro+; Uwukora amakosa n’uwuhuvya+ ni abiwe; 17  Atuma abajanama bagenda ibirenge bisa+, Agatuma abacamanza bagwara ibisazi. 18  Imvuto z’abami arazibohora+, Akababohera umukaba mu mafyinga. 19  Atuma abaherezi bagenda ibirenge bisa+, Abicaye bagashika na bo akabatembagaza+; 20  Yaka ijambo abizigirwa, Agakuraho ukwiyumvira neza kw’abatama; 21  Asuka agakengerwe ku banyacubahiro+, Umukanda w’abanyabubasha akawutuburura; 22  Ashira ahabona ibintu vyimbitse abikuye mu mwiza+, Igitutu kizitanye akakizana ku muco; 23  Atera amahanga kuba ayakomeye kugira ayarandure+; Yāgura amahanga kugira ayashorere agende; 24  Akuraho umutima w’abakuru b’abanyagihugu, Ngo atume bayerera ahagaragara+, hatagira inzira. 25  Barakabakaba mu mwiza+, ahatagira umuco, Ngo atume bayerera nk’imborerwa+.

Amakuru yiyongereye