Gushikira ivyo urondera

Hitamwo ururimi

Ja ku rutonde rw'ibirimwo rwa kabiri

Ja ku rutonde rw’ibirimwo

Ja ku birimwo

Ivyabona vya Yehova

Ikirundi

Bibiliya kuri internet

BIBILIYA Y’ISI NSHASHA

Yesaya 2:1-22

2  Ng’iki ikintu Yesaya mwene Amozi yabonye ku vyerekeye Yuda na Yeruzalemu+:  Ibi ni vyo bizotegerezwa kuba mu kiringo ca nyuma c’imisi+: umusozi w’inzu+ ya Yehova uzoshimangirwa hejuru y’isonga ry’imisozi+, emwe, uduzwe hejuru y’imirambi+; kandi amahanga yose azorindiga koko aja kuri wo+.  Ibisata vy’abantu vyinshi bizogenda koko, bivuge biti: “Nimuze+ tuduge ku musozi wa Yehova, ku nzu y’Imana ya Yakobo; izotwigisha inzira zayo, natwe tuzogendera mu minyuro yayo+.” Kuko i Siyoni hazova itegeko, n’i Yeruzalemu hakava ijambo rya Yehova+.  Kandi azoca imanza koko hagati mu mahanga+, agorore ibintu+ ku bijanye n’ibisata vy’abantu vyinshi+. Kandi inkota zabo bazobwirizwa kuzicuramwo ibirimisho, n’amacumu yabo bayacuremwo imihoro yo gututūra+. Nta hanga rizobangurira inkota irindi hanga, eka ntibazokwongera kwiga kurwana+.  Emwe bantu b’inzu ya Yakobo, nimuze tugendere mu muco wa Yehova+.  Kuko wahevye abantu bawe, inzu ya Yakobo+. Kuko basigaye buzuye ibiva mu Buseruko+, bakaba ari abanyamageza+ nk’Abafilisitiya, kandi bagwije abana b’abanyamahanga+.  Igihugu cabo cuzuye ifeza n’inzahabu, kandi amatunga yabo nta karimbi agira+. Igihugu cabo cuzuye amafarasi, kandi imikogote yabo nta karimbi igira+.  Kandi igihugu cabo cuzuye imana ata co zimaze+. Bunamira igikorwa c’amaboko y’umuntu, icakozwe n’intoke z’umuntu+.  Umuntu yakuwe mw’ivu arunama, umuntu akaja hasi, kandi ntiwoshobora kubaharira+. 10  Niwinjire mu gitandara, winyegeze mu mukungugu kubera inguvu ziteye ubwoba za Yehova, uhunge ubwiza bwakaka bw’ubukuru bwiwe+. 11  Amaso yibona y’umuntu yakuwe mw’ivu ategerezwa kuja hasi, n’ukwishira hejuru kw’abantu gutegerezwa kumanuka+; kandi Yehova wenyene ni we azotegerezwa gushirwa hejuru kuri uwo musi+. 12  Kuko ari umusi wa Yehova nyen’ingabo+. Uri ku muntu wese yinantaza kandi yishira hejuru, no ku muntu wese ari hejuru canke ari hasi+; 13  no ku masederi yose y’i Libani+ agereza hejuru kandi yidugije, no ku biti bisagaraye vyose vy’i Bashani+; 14  no ku misozi yose igereza hejuru no ku mirambi yose yidugije+; 15  no ku munara muremure wose no ku ruhome rwose rukomejwe+; 16  no ku meri z’i Tarushishi+ zose no ku mato ahimbaye yose. 17  Kandi ubwibone bw’umuntu yakuwe mw’ivu butegerezwa kumanuka, n’ukwishira hejuru kw’abantu gutegerezwa kuja hasi+; kandi Yehova wenyene ni we azotegerezwa gushirwa hejuru kuri uwo musi+. 18  Kandi imana ata co zimaze zizogenda amazimayongo+. 19  Kandi abantu bazokwinjira mu masenga y’ibitandara no mu binogo vyo mu mukungugu kubera inguvu ziteye ubwoba za Yehova, bahunge ubwiza bwakaka bw’ubukuru bwiwe+, niyahaguruka kugira ngo isi iranduke umutima+. 20  Kuri uwo musi umuntu yakuwe mw’ivu azoshiburira imbeba za mushushwe n’ubuhungarema imana ziwe zitagira akamaro z’ifeza, be n’imana ziwe ata co zimaze z’inzahabu bari bamuhinguriye ngo azunamire+, 21  kugira yinjire mu binogo vyo mu bitandara no mu migaga y’amabuye y’urutare, kubera inguvu ziteye ubwoba za Yehova, bahunge ubwiza bwakaka bw’ubukuru bwiwe+, niyahaguruka kugira ngo isi iranduke umutima. 22  Ku neza yanyu, nimuce kure umuntu yakuwe mw’ivu, umwe impemu ziwe ziri mu mazuru yiwe+; kuko, ni impamvu nki yotuma yiyumvirwa+?

Amakuru yiyongereye