Gushikira ivyo urondera

Hitamwo ururimi

Ja ku rutonde rw'ibirimwo rwa kabiri

Ja ku rutonde rw’ibirimwo

Ja ku birimwo

Ivyabona vya Yehova

Ikirundi

Bibiliya kuri internet

BIBILIYA Y’ISI NSHASHA

Indirimbo ya Salomo 6:1-13

6  “Umukunzi wawe yagiye he, ga mwiza w’agahebuza mu bagore+? Umukunzi wawe yahindukiriye he, ngo tumukurondeze?”  “Umukunzi wanje yamanutse ku murima wiwe+, ku matuta y’ibiterwa vy’ibimota+, kuragira+ mu mirima, no kwaha amalisi.  Ndi uw’umukunzi wanje, umukunzi wanje na we ni uwanje+. Ari kuragira+ mu malisi.”  “Uri mwiza, ewe mwigeme nikundira+, nka Gisagara Gihimbaye+, uteye igomwe nka Yeruzalemu+, uteye akoba nk’inteko+ zikoranye zikikuje amabendera+.  Hindukiza amaso yawe+ uyakure imbere yanje, kuko ubwayo yankuyemwo umutima. Umushatsi wawe ni nk’ubusho bw’impene bumanutse butaragurika buva i Gileyadi+.  Amenyo yawe ni nk’ubusho bw’intama z’ingore ziduze zivuye kwuhagirwa, zose zifise amahasa, ata n’imwe muri zo yabuze imyagazi yayo+.  Kurya kw’igihimba c’ikomamanga, ni ko imisaya yawe imeze inyuma y’icitwikiro cawe+.  Hashobora kuba hari abamikazi mirongo itandatu n’incoreke mirongo umunani, n’abigeme batagira igitigiri+.  Umwe ni we ari inuma yanje+, umugenzi wanje azira umugayo+. Umwe ni we ari uwa nyina. Ni we mutyoroke w’uwamwibarutse. Abakobwa baramubonye, bamwita umuhirwe; abamikazi n’incoreke baraheza baramushemeza ngo+: 10  ‘Ni nde uyo mugore+ araba hasi nk’umutwenzi+, mwiza nk’ukwezi kw’igisyo+, atyoroye nk’izuba rirurumba+, ateye akoba nk’inteko zikoranye zikikuje amabendera+?’” 11  “Nari namanutse ku murima+ w’ibiti vy’ibinyamise, kuraba iminago mu mwonga+, kuraba ko umuzabibu wari wanaze, ko ibiti vy’amakomamanga vyari vyashuritse+. 12  Ntarabimenya, umutima wanje wari wanshize ku mikogote y’abantu banje b’umutima ukunze.” 13  “Garuka, garuka, Mushulamukazi we! Garuka, garuka, tukwitegereze+!” “Ni igiki ga yemwe mwitegereza mu Mushulamukazi+?” “Ikintu kimeze nk’intambo y’amakambi abiri!”

Amakuru yiyongereye