Ja ku birimwo

Ja ku rutonde rw'ibirimwo rwa kabiri

Ja ku rutonde rw’ibirimwo

Ivyabona vya Yehova

Ikirundi

Bibiliya kuri internet | BIBILIYA Y’ISI NSHASHA

Indirimbo ya Salomo 4:1-16

4  “Raba! Uri mwiza+, mwigeme nikundira! Raba! Uri mwiza. Amaso yawe ni ay’inuma+, inyuma y’icitwikiro cawe+. Umushatsi wawe ni nk’ubusho bw’impene+ bumanutse butaragurika buva mu karere k’imisozi ka Gileyadi+.  Amenyo yawe ni nk’ubusho bw’intama z’ingore+ zihejeje gukemurwa ziduze zivuye kwuhagirwa, zose zifise amahasa, ata n’imwe muri zo yabuze imyagazi yayo.  Iminwa yawe ni kurya kw’urunyuzi rw’agahama, imvugo yawe na yo iraryoshe+. Kurya kw’igihimba c’ikomamanga, ni ko imisaya yawe imeze inyuma y’icitwikiro cawe+.  Izosi ryawe+ ni nk’umunara+ wa Dawidi, wubakishijwe imirongo y’amabuye, umanitseko inkinzo igihumbi, inkinzo z’umuzingi zose+ z’abagabo b’abanyenkomezi.  Amabere abiri yawe+ ni nk’imyagazi ibiri, amahasa y’ingeregerekazi, iriko irarisha mu mashurwe y’amalisi+.”  “Akayaga k’umusi katarahuhēra+ n’ibitutu ngo bihunge, ngira nigire ku musozi w’imira no ku murambi w’imibavu ya olibani+.”  “Uri mwiza wese+, ewe mwigeme nikundira, nta gahonzi ugira+.  Ingo tujane tuvuye i Libani, ewe mugeni+, tujane tuvuye i Libani+. Numanuke uvuye kw’isonga rya Anti-Libani, uvuye kw’isonga rya Seniri+, mbere kuri Herumoni+, uvuye mu butaho bw’intambwe, uvuye mu misozi y’ingwe.  Watumye umutima wanje udidagizwa, ewe mushikanje+, mugeni wanje+, watumye umutima wanje udidagizwa kubera rimwe mu maso yawe+, kubera akadede kamwe k’urunigi rwawe. 10  Ewe kuntu ibimenyetso vyawe vy’urukundo ari vyiza+, ewe mushikanje, mugeni wanje! Ewe kuntu ibimenyetso vyawe vy’urukundo biruta cane umuvinyu, ugutamirana kw’amavuta yawe na kwo kukaruta ubwoko bwose bw’ibimota neza+! 11  Iminwa yawe iguma itonyanga ubuki bw’ikimamara+, ewe mugeni wanje! Ubuki+ n’amata biri munsi y’ururimi rwawe, ugutamirana kw’impuzu zawe na kwo ni nk’ugutamirana+ kwa Libani. 12  Mushikanje+, umugeni wanje, ni umurima udadiye, emwe, umurima udadiye, imbizi irumije idomweko ikidodo. 13  Urukoba rwawe ni iparadizo y’amakomamanga, iriko ivyamwa vyizavyiza+, ibiterwa vy’ihina kumwe n’ivya narada+; 14  narada+ be n’umuzafarani+, kanehe*+ be n’umudarasini+, kumwe n’ubwoko bwose bw’ibiti vy’imibavu ya olibani, imira n’umubazibazi+, kumwe n’ibimota neza vyose biruta ibindi+; 15  n’imbizi y’imirima, iriba ry’amazi meza+, n’imigezi ishororoka iva i Libani+. 16  Ikangure, ewe muyaga wo mu buraruko! Ingo, ewe muyaga wo mu bumanuko+! Huhēra ku murima wanje+. Ibimota neza vyawo nibishororoke.” “Umukunzi wanje niyinjire mu murima wiwe, yirire ivyamwa vyawo vyizavyiza.”

Amakuru yiyongereye

“Kanehe” ni igiterwa kimota kimeze nk’umusigati.