Gushikira ivyo urondera

Hitamwo ururimi

Ja ku rutonde rw'ibirimwo rwa kabiri

Ja ku rutonde rw’ibirimwo

Ja ku birimwo

Ivyabona vya Yehova

Ikirundi

Bibiliya kuri internet

BIBILIYA Y’ISI NSHASHA

Imigani 30:1-33

30  Amajambo ya Aguri mwene Yake, ubutumwa buremereye+. Ijambo ry’umuntu w’umugabo kuri Itiyeli, kuri Itiyeli na Ukali.  Kuko ndi imburabwenge kuruta uwundi wese+, kandi singira ugutegera kw’abantu+;  kandi sinize ubukerebutsi+; kandi ubumenyi bwa wa Mweranda Rwose nta bwo nzi+.  Ni nde yaduze mw’ijuru kugira ngo amanuke+? Ni nde yakoranije umuyaga mu biganza vyompi+? Ni nde yatekeye amazi mu mutamana+? Ni nde yadugije impera zose z’isi+? Yitwa nde+, kandi umuhungu wiwe yitwa nde, nimba ubizi+?  Ijambo ryose Imana ivuze riratyoroye+. Ibera inkinzo abayihungirako bose+.  Ntugire ico wongera ku majambo yayo+, kugira ngo ntigukangire no kugira ngo ntuboneke ko uri umubeshi+.  Nagusavye ibintu bibiri+. Ntubinyime imbere y’uko mpfa+.  Ububeshi be n’ijambo ry’ikinyoma ubinshire kure+. Ntumpe ubworo, ntumpe n’ubutunzi+. Reka ndyane akayabagu ibifungurwa ngenewe+,  simpave mpaga hanyuma nkakwihakana vy’ukuri+, nkavuga ngo: “Yehova ni nde+?”, simpave kandi nja mu bworo hanyuma nkiba vy’ukuri, nkagaba igitero kw’izina ry’Imana yanje+. 10  Ntubeshere umusuku kuri shebuja+, ntahave ahamagarira akabi kuri wewe, kandi ntuhave uharurwako icaha+. 11  Hari iyaruka rihamagarira akabi kuri se, ntirinahezagire nyina+. 12  Hari iyaruka rityoroye mu maso yaryo bwite+ mugabo rituhagiwe umwanda waryo mukuru+. 13  Hari iyaruka amaso yaryo yabaye ayishize hejuru ga yemwe! n’amaso aca ibibatsi yaryo akaba yagizwe ayahanitse+. 14  Hari iyaruka amenyo yaryo ari inkota, n’imibangabanga yaryo ikaba ibibugita+, kugira rirotse abarushwa ngo bave kw’isi, n’aboro ngo bave mu bantu+. 15  Imisundo ifise abakobwa babiri basemerera ngo: “Mpa! Mpa!” Hari ibintu bitatu bidahaga, bine bitavuze ngo: “Biramaze!” 16  Ukuzimu+ be n’inda itavyara+, ubutaka butahaze amazi+, be n’umuriro+ utavuze ngo: “Biramaze+!” 17  Ijisho ritwengera se mw’ijigo kandi rigasuzugura ukugamburukira nyina+, ibikona vyo mu mwonga bizorinogora, abana b’inkona na bo barirotse. 18  Hari ibintu bitatu kuri jewe vyabonetse ko ari agatangaza birenze, mbere bine ntashoboye kumenya: 19  inzira y’inkona mu kirere, inzira y’inzoka ku gitandara, inzira y’imeri hagati mu kiyaga+, n’inzira y’umuntu w’umugabo ku mwigeme+. 20  Ng’iyi inzira y’umugore w’umurengabigo: yarariye arihanagura umunwa, avuga ngo: “Nta kibi nakoze+.” 21  Hari ibintu bitatu vyatigitishije isi, kandi bine ni vyo idashobora kwihanganira: 22  umushumba iyo aganje+, be n’imburabwenge iyo ifise ibifungurwa bikwiye+; 23  umugore yankwa iyo yabiriwe+, be n’umusukukazi iyo yomoye inabuja+. 24  Hari ibintu bine bitoyi kuruta ibindi vyose vyo kw’isi, mugabo bikaba ari inkerebutsi bivuye kw’itima+: 25  ibimonyo ni igisata kidakomeye+, yamara mu ci birategura indya zavyo+; 26  inkezi zo mu bitandara+ ni igisata kidakomeye, yamara ku rutare ni ho zishira inzu yazo+; 27  inzige+ nta mwami zigira, yamara zose zisohoka zigabuye mu migwi+; 28  icugu+ gifatisha amaboko yaco kandi kikaba mu kirimba gihambaye c’umwami. 29  Hari ibintu bitatu bifise ingendo nziza, mbere bine bitambuka neza: 30  intambwe, ari yo ikomeye mu bindi bikoko kandi ikaba idasubira inyuma imbere y’umuntu n’umwe+; 31  imbwa y’uruhigi canke isuguru y’impene, n’umwami ari kumwe n’umugwi w’abasoda bo mu bantu biwe+. 32  Nimba wakoze nk’imburabwenge mu kwiduza+, kandi nimba wabishinzeko ivyiyumviro vyawe, shira ukuboko ku munwa+. 33  Kuko guterera amata ari vyo bizana amasoro, kandi gufyonda izuru ni vyo bizana amaraso, kandi kuvyura ishavu ni vyo bizana imitongano+.

Amakuru yiyongereye