Ja ku birimwo

Ja ku rutonde rw'ibirimwo rwa kabiri

Ja ku rutonde rw’ibirimwo

Ivyabona vya Yehova

Ikirundi

Bibiliya kuri internet | BIBILIYA Y’ISI NSHASHA

Imigani 22:1-29

22  Wohitamwo izina ryiza aho guhitamwo itunga ryinshi+; ubutoni buraruta mbere ifeza n’inzahabu+.  Umutunzi na ntahonikora barahuye+. Uwabahinguye bose ni Yehova+.  Umunyabwenge ni uwubonye ivyago akihisha+, mugabo abantu batazi utuntu n’utundi bararengana bakabwirizwa kwibonerako+.  Ikiva mu kwicisha bugufi be n’ugutinya Yehova, ni ubutunzi n’ubuninahazwa n’ubuzima+.  Amahwa n’imitego biri mu nzira y’uwuhetaraye+; uwurinda ubuzima bwiwe aguma kure yavyo+.  Rera umwana wisunze inzira imubereye+; mbere n’igihe azosaza ntazokevya ngo ayivemwo+.  Umutunzi ni we aganza ba ntahonikora+, kandi uwugurana aba umusavyi wa nyene kumugurana+.  Uwubiba ibitagororotse azoshwabura ibintu bibabaza+, mugabo inkoni y’uburake bwiwe izovaho+.  Uw’ijisho ryiza azohezagirwa, kuko yahaye umuntu mutoyi ku bifungurwa vyiwe+. 10  Irukana umushinyaguzi, kugira ngo amahane ahave no kugira ngo imburano n’agateterwe bihagarare+. 11  Uwukunda ubutyoroke bw’umutima+, emwe, kubera igikundiro c’iminwa yiwe umwami azomubera umugenzi+. 12  Amaso ya Yehova ubwiwe azigama ubumenyi+, mugabo atembagaza amajambo y’umuhemu+. 13  Ikinebwe cavuze+ giti: “Hari intambwe hanze+! Mpava nicirwa hagati mu bibanza vya bose!” 14  Akanwa k’abagore b’ibihumbu* ni icobo kirekire+. Uwo Yehova arungitseko imisibo azokigwamwo+. 15  Ubupfu buboheye ku mutima w’umwana+; inkoni y’indero ni yo izobwigiza kure yiwe+. 16  Uwugunga umuntu mutoyi kugira yironse ibintu vyinshi+, eka n’uwuha umutunzi, ntazobura kuja mu bukene+. 17  Tega ugutwi wumve amajambo y’abantu b’inkerebutsi+, kugira ngo ushire umutima wawe ku bumenyi bwanje+. 18  Kuko bihimbaye ko ubigumya mu nda yawe+, kugira ngo vyose hamwe bishimangirwe ku minwa yawe+. 19  Kugira ngo umwizero wawe ube muri Yehova ubwiwe+, nguhaye ubumenyi uno musi, wewe nyene. 20  Mbega kugeza ubu sinakwandikiye nkoresheje impanuro n’ubumenyi+, 21  kugira nkwereke ukuri kw’amajambo nyakuri, ngo ugarukane amajambo y’ukuri ku wagutumye+? 22  Ntiwambure umuntu mutoyi ngo ni uko ari mutoyi+, kandi ntujanjagurire umurushwa mw’irembo+. 23  Kuko Yehova ubwiwe azoburana urubanza rwabo+, kandi ababambura ntazobura kubambura ubuzima+. 24  Ntugiranire ubugenzi n’uwukaza ishavu+; kandi ntujane n’umuntu w’ubushangashirwe bwiguburiza, 25  ngo ntuhave umenyēra iminyuro yiwe ugatega koko umutego ubuzima bwawe+. 26  Ntube mu bakomanya ibiganza+, mu bemera kwishinga uwusavye ingurane+. 27  Nimba ata co ufise uriha, kubera iki none yotwara igitanda cawe agikuye munsi yawe? 28  Ntiwigize inyuma urubibe rwa kera, urwo ba sogokuruza bashizeho+. 29  Mbega uramaze kwitegereza umuntu w’umuhanga mu gikorwa ciwe? Imbere y’abami ni ho azohagarara+; ntazohagarara imbere y’abantu nciyaho.

Amakuru yiyongereye

Ijambo ku rindi ni “abagore b’ahandi.”