Imigani 11:1-31
11 Umunzane wiba ni ikintu giteye ishishi kuri Yehova+, mugabo ibuye ry’ugupimisha rikwiye riramuhimbara.
2 Ukwita imbere kwaje? Agateterwe kazoza rero+; mugabo ubukerebutsi buri kumwe n’abifata ruto+.
3 Ugutungana kw’abagororotse ni kwo kubayobora+, mugabo ubugorame bw’ibihemu buzobinyaga+.
4 Ibintu vy’agaciro nta co bizomara ku musi w’uburake+, mugabo ubugororotsi buzorokora umuntu mu rupfu+.
5 Ubugororotsi bw’uwutagirako umugayo ni bwo buzogorora inzira yiwe+, mugabo umubisha azogwa mu bubisha bwiwe+.
6 Ubugororotsi bw’abagororotse ni bwo buzobarokora+, mugabo ibihemu bizofatwa n’ukwipfuza kwavyo+.
7 Iyo umuntu w’umubisha apfuye, icizigiro ciwe kirazimangana+; mbere n’ivyari vyitezwe bishingiye ku bubasha biba bizimanganye+.
8 Umugororotsi aratabarwa mu marushwa+, umubisha na we akaza akamusubirira mu kibanza+.
9 Umuhuni, biciye ku kanwa kiwe, akwegera mugenziwe guhona+, mugabo abagororotsi batabarwa n’ubumenyi+.
10 Kubera ukumera neza kw’abagororotsi, igisagara akamwemwe karagisya+, mugabo iyo ababisha bayogeye haraba akamo k’umunezero+.
11 Kubera umuhezagiro w’abagororotse, igisagara kirashirwa hejuru+; mugabo kubera akanwa k’ababisha kirasamburwa+.
12 Uwutagira umutima yasuzuguye mugenziwe+, mugabo umuntu w’ugutahura kwagutse aguma yicerereje+.
13 Uwugenzwa no kubeshera abandi+ ahishura ikiyago c’akabanga+, mugabo umuntu w’umutima wizigirwa arahisha ikintu+.
14 Iyo ata buyobozi bw’ubuhanga buhari, abantu baragwa+; mugabo hari ubukiriro mu bajanama indiri+.
15 Umuntu ntazobura kwibonerako kubera yishinze uw’ahandi+, mugabo uwanka guhana ukuboko n’uwundi yigumira ata maganya.
16 Umugore w’igikundiro ni we acakira ubuninahazwa+; mugabo intwazamukazo zozo zicakira ubutunzi.
17 Umuntu w’ubuntu bwuzuye urukundo yigirira neza+, mugabo umuntu w’imburakigongwe akwegera umubiri wiwe ugukumīrwa+.
18 Umubisha aronka impembo zitari zo+, mugabo uwubiba ubugororotsi aronka inyungu nyakuri+.
19 Uwuhagarara ashikamye ku bw’ubugororotsi, ariko agana ku buzima+; mugabo uwiruka inyuma y’ibibi, ariko agana ku rupfu rwiwe+.
20 Ab’umutima uhetaraye ni ikintu giteye ishishi kuri Yehova+, mugabo abatagirako umugayo mu nzira yabo baramuhimbara+.
21 Naho ukuboko kwoba kugiye mu kundi, umuntu mubi ntazogenda adahanywe+; mugabo uruvyaro rw’abagororotsi ntiruzobura kurokoka+.
22 Umugore mwiza mugabo aca kure ukwiyumvira neza, ni nk’impeta yo ku zuru y’inzahabu ku kinwanwa c’ingurube+.
23 Icipfuzo c’abagororotsi ni ciza koko+; icizigiro c’ababisha ni uburake+.
24 Hariho uwusanzaza yamara ivyiwe bikongerekana+; hari n’uwureka gukora ibibereye mugabo hakavamwo ubukene gusa+.
25 Uwutanga cane azodoheshwa+, kandi uwuvomēra abandi ku bwinshi na we ubwiwe azovomērwa ku bwinshi+.
26 Uwimana intete abanyagihugu bazomuvuma, mugabo umutwe w’uwemera zikagurwa urahezagirwa+.
27 Uwurondera iciza azoguma arondera ubutoni+; mugabo uwuhîga ikibi we kizomuzako+.
28 Uwizigira ubutunzi bwiwe, emwe, ubwiwe azogwa+; mugabo abagororotsi bazosagarara nk’amababi+.
29 Uwukwegera inzu yiwe ugukumīrwa+, azokwigabira umuyaga+; kandi igipfu kizobera umusuku umuntu w’inkerebutsi mu mutima.
30 Ivyamwa vy’umugororotsi ni igiti c’ubuzima+, kandi uwigarurira imitima ni inkerebutsi+.
31 Ehe! Umugororotsi, mw’isi azohabwa impembo+. Hari akantu umubisha n’umucumuzi+!
