Gushikira ivyo urondera

Hitamwo ururimi

Ja ku rutonde rw'ibirimwo rwa kabiri

Ja ku rutonde rw’ibirimwo

Ja ku birimwo

Ivyabona vya Yehova

Ikirundi

Bibiliya kuri internet

BIBILIYA Y’ISI NSHASHA

Ezekiyeli 23:1-49

23  Ijambo rya Yehova rinzako+, riti:  “Mwana w’umuntu, habaye abagore babiri, abakobwa basangiye nyina+.  Nuko batangura kugira ubumaraya mu Misiri+. Mu buto bwabo bakoze ubumaraya+. Aho ni ho amabere yabo yafyondewe+, kandi aho ni ho bagumbiririye ibikiriza vy’ubusugi bwabo.  Amazina yabo yari aya: umukuru yitwa Ohola, mwene wabo akitwa Oholiba; babaye abanje+, batangura kwibaruka abahungu n’abakobwa+. Ku vyerekeye amazina yabo, Ohola ni Samariya+, Oholiba na we ni Yeruzalemu+.  “Nuko Ohola atangura kugira ubumaraya+, kandi ari je ndamugaba, aguma agirira inambu ikomeye abamukunda urukundo rukaze+, ayigirira Abashuri+, abari hafi,  ba buramatari bambaye impuzu z’ubururu, n’ivyegera vy’abatware, bakaba bari abasore b’igikundiro bose hamwe, abarwanira ku mafarasi.  Abandanya kubarekurirako ubumaraya bwiwe, bene Ashuri b’intorwa, bose hamwe; kandi yihumanishije abo yagirira inambu ikomeye bose, yihumanisha ibigirwamana vyabo vy’umwanda+.  Ntiyahevye ubumaraya bwiwe bwakuwe mu Misiri, kuko bari bararyamanye na we mu buto bwiwe, kandi ni bo bagumbiriye igikiriza c’ubusugi bwiwe, baguma bamusukako ubushurashuzi bwabo+.  Ni co catumye ndamutanga mu kuboko kw’abamukunda urukundo rukaze+, mu kuboko kwa bene Ashuri, abo yari yagiriye inambu ikomeye+. 10  Ni bo bapfukuye ubwambure bwiwe+. Batwaye abahungu biwe n’abakobwa biwe+, na we bamwicisha inkota. Arahava aba izina ribi ku bagore, bamushitsako imanza. 11  “Mwene wabo Oholiba ngo abibone+, aca yihereza icipfuzo ciwe c’umubiri bimwe bibi kumurusha, n’ubumaraya bwiwe kuruta ubusambanyi bwa mwene wabo+. 12  Yagiriye inambu ikomeye bene Ashuri+, ba buramatari n’ivyegera vy’abatware bari hafi, bambaye bashajije bimwe vy’agahore, abarwanira ku mafarasi, bose hamwe bakaba bari abasore b’igikundiro+. 13  Nanje mbona yuko bompi bari bafise inzira imwe, kuko yari yihumanije+. 14  Aguma yongereza ubumaraya bwiwe abonye abagabo bashushanijwe ku ruhome+, ibishusho+ vy’Abakaludaya bishushanijwe mw’ibara ritukuriye+, 15  bakenyeje imikaba+ mu mafyinga, ku mitwe yabo hazingiriwe ibitambara birekera, bakaboneka nk’abarwanyi, bose hamwe, bagasa na bene Babiloni, ku bijanye n’igihugu c’amavuko yabo bakaba Abakaludaya. 16  Atangura kubagirira inambu ikomeye kubera ivyo amaso yiwe abonye+, araheza abatumako intumwa i Kaludaya+. 17  Nuko bene Babiloni baguma baza kuri we, ku gitanda giserurirwako urukundo, bamuhumanisha ubushurashuzi bwabo+; abandanya guhumanywa na bo, umutima wiwe na wo utangura kubazinukwa, wirabira hirya. 18  “Abandanya gupfukura ubumaraya bwiwe no gupfukura ubwambure bwiwe+, ku buryo umutima wanje umuzinukwa ukirabira hirya, ukareka kwifatanya na we, nk’uko umutima wanje wari wahindukiye wasesemwe ukareka kwifatanya na mwene wabo+. 19  Na we aguma agwiza ubumaraya bwiwe+ gushika aho agarukana mu bwenge imisi y’ubuto bwiwe+, ca gihe yagira ubumaraya mu gihugu ca Misiri+. 20  Aguma agira inambu ikomeye kurya kw’incoreke z’abafise igihimba c’umubiri* kimeze nk’ic’indogobwa z’ingabo, bakagira igihimba c’irondoka kimeze nk’ic’ifarasi z’ingabo+. 21  Wabandanije kwibukiriza ubushirasoni bwo mu buto bwawe biciye ku kugumbirwa kw’igikiriza cawe kuva mu Misiri+ kubandanya, ku bw’amabere yo mu buto bwawe+. 22  “Ku bw’ivyo rero ga Oholiba, ibi ni vyo Umukama Segaba Yehova avuze: ‘Ehe ngira nguhagurukirize abagukunda urukundo rukaze+, abo umutima wawe wazinutswe ukirabira hirya, ndabazane bagutere impande zose+: 23  bene Babiloni+ be n’Abakaludaya bose+, Pekodi+ na Showa na Kowa, bene Ashuri bose bari kumwe na bo, abasore b’igikundiro, ba buramatari be n’ivyegera vy’abatware bose hamwe, abarwanyi be n’abahamagajwe, bagendera ku mafarasi, bose hamwe. 24  Bazoza kugutera bari n’imikogote y’intambara n’amakurudumu bijegera+, n’ishengero ry’ibisata vy’abantu, n’inkinzo zagutse n’udukinzo dutoyi be n’inkofero. Bazokwipanga impande zose ngo bagutere, nanje ndabashikirize urubanza, bagucire koko urubanza ruhwanye n’imanza zabo+. 25  Nzokwerekanira kuri wewe ishaka ryanje+, kandi bazokurwanya bashangashiwe+. Bazogukura izuru n’amatwi, amasigarira yawe na yo agwishwe n’inkota. Bazotwara+ abahungu bawe n’abakobwa bawe+, amasigarira yawe na yo arigatwe n’umuriro+. 26  Bazogukoba koko impuzu zawe+, batware n’ibintu vyawe vyiza+. 27  Nzohagarika vy’ukuri muri wewe ubushirasoni bwawe+, n’ubumaraya bwawe bwakuwe mu gihugu ca Misiri+; ntuzobiraramurirako amaso, kandi ntuzokwongera kwibuka Misiri.’ 28  “Kuko ibi ari vyo Umukama Segaba Yehova avuze: ‘Ehe ngira ngutange mu kuboko kw’abo wanse, mu kuboko kw’abo umutima wawe wazinutswe ukirabira hirya+. 29  Bazoguhagurukira buzuye urwanko, batware ivyo wabiriye akuya vyose, bagusige uri amenya, uri gusa+; kandi ubusa bw’ubusambanyi bwawe be n’ubushirasoni bwawe n’ubumaraya bwawe bizoja ahabona+. 30  Uzokorerwa ivyo bintu kubera yuko ugenda nk’umumaraya ukurikira amahanga+, kuko wihumanishije ibigirwamana vyayo vy’umwanda+. 31  Wagendeye mu nzira ya mwene wanyu+; nanje nzobwirizwa gushira igikombe ciwe mu kuboko kwawe+.’ 32  “Ibi ni vyo Umukama Segaba Yehova avuze: ‘Uzonywa igikombe ca mwene wanyu, kimwe kirekire kandi cagutse+. Uzocika agatwengo n’agashinyaguro, igikombe kirimwo vyinshi+. 33  Uzokwuzuzwa akaborerwe n’intuntu, hakoreshejwe igikombe c’akajoreza n’umusaka, ca gikombe ca mwene wanyu Samariya. 34  Uzobwirizwa kukinywa, ucirangūze+, uhekenye n’injo zaco, wimomore amabere+. “Kuko jewe navuze,” ni ko Umukama Segaba Yehova avuze.’ 35  “Ibi rero ni vyo Umukama Segaba Yehova avuze: ‘Ko wanyibagiye+ ukanshiburira inyuma y’umugongo wawe+, nawe rero niwiremeke ubushirasoni bwawe n’ubumaraya bwawe.’” 36  Maze Yehova abandanya kumbwira ati: “Mwana w’umuntu, mbega uracira urubanza+ Ohola na Oholiba+, ubamenyeshe ibintu vyabo biteye ishishi+? 37  Kuko barenze ibigo+, ku maboko yabo hakaba hari amaraso+, kandi barenganye ibigo n’ibigirwamana vyabo vy’umwanda+. N’ikigeretseko, bacishije mu muriro abana babo bamvyariye, babatanga kuri vyo bwa bifungurwa+. 38  Vyongeye, ehe ivyo bankoreye: Bahumanije+ aheranda hanje+ kuri uwo musi, banduza amasabato yanje+. 39  Kandi igihe baba bamaze gukerera abana babo ngo babahe ibigirwamana vyabo vy’umwanda+, baca baza aheranda hanje kuri uwo musi kugira ngo bahanduze+; kandi raba, ivyo ni vyo bakoreye hagati mu nzu yanje+. 40  Uretse ivyo, igihe batangura gutuma ku bagabo bava kure, abatumweko intumwa+, erega baciye baza+, abo wari witeguriye mu kwiyoga+, mu kwiraba amarangi ku maso+ no mu kwishariza n’udusharizo+. 41  Uraheza wicara ku buriri bw’ubuninahazwa+, imbere yabwo hari imeza itunganijwe+, uyishirako imibavu yanje+ n’amavuta yanje+. 42  Muri we, ijwi ry’ishengero ryitekaniye ni ryo ryaharangwa+, abo mw’isinzi ry’abantu bakazanirwa imborerwa+ zikuwe mu gahinga, maze bagashira ibikomo ku maboko ya nya bagore be n’ingori nziza ku mitwe yabo+. 43  “Maze mvuga ku bijanye n’uwo yari asigaye ari akaheze kubera ukurenga ibigo+, nti: ‘Ubu azoguma agira ubumaraya bwiwe, emwe, we ubwiwe+.’ 44  Babandanije kuza iwe, nk’uko umuntu aza iw’umugore w’umumaraya; ukwo ni ko baje kwa Ohola no kwa Oholiba, abagore b’ubushirasoni+. 45  Ariko abantu b’abagororotsi+, abo ni bo bazomucira urubanza ruhwanye n’urucirwa abagore barenga ibigo+ be n’urucirwa abagore basesa amaraso+; kuko ari abagore barenga ibigo, kandi ku maboko yabo hari amaraso+. 46  “Kuko ibi ari vyo Umukama Segaba Yehova avuze: ‘Bazoduganirwa ishengero ryo kubarwanya+, bagirwe ikintu c’agacavutu be n’ikintu co gusahurwa+. 47  Nya shengero rizobatera amabuye koko+, batemaguzwe inkota zabo. Bazokwica abahungu babo n’abakobwa babo+, amazu yabo na yo bayaturize umuriro+. 48  Nzotuma vy’ukuri ubushirasoni+ buhagarara mu gihugu+, kandi abagore bose bazobwirizwa kwemera gukosorwa, ku buryo batazokora ibihwanye n’ubushirasoni bwanyu+. 49  Bazozana kuri mwebwe ubushirasoni bwanyu+, kandi muzokwiremeka ibicumuro vy’ibigirwamana vyanyu vy’umwanda; kandi muzobwirizwa kumenya yuko jewe ndi Umukama Segaba Yehova+.’”

Amakuru yiyongereye

Canke, “igihimba c’irondoka c’umugabo.”