Gushikira ivyo urondera

Hitamwo ururimi

Ja ku rutonde rw'ibirimwo rwa kabiri

Ja ku rutonde rw’ibirimwo

Ja ku birimwo

Ivyabona vya Yehova

Ikirundi

Bibiliya kuri internet

BIBILIYA Y’ISI NSHASHA

1 Ngoma 19:1-19

19  Inyuma y’ivyo, Nahashi+ umwami wa bene Amoni arapfa, maze umuhungu wiwe atangura kuganza mu kibanza ciwe+.  Nuko Dawidi avuga ati: “Nzogirira ubuntu bwuzuye urukundo+ Hanuni mwene Nahashi, kuko se wiwe yangiriye ubuntu bwuzuye urukundo+.” Dawidi rero atuma intumwa kumuhoza ku bijanye na se wiwe, maze abasuku ba Dawidi bashika mu gihugu ca bene Amoni+, kwa Hanuni kugira ngo bamuhoze.  Ariko abaganwa ba bene Amoni babwira Hanuni bati: “Ugira ngo icatumye Dawidi atuma abo kuguhoza ni ukugira ngo atere iteka so mu maso yawe? Mbega abasuku biwe ntibazanywe kuri wewe no kugendura igihugu bitonze, kugitata+ no kugitembagaza+?”  Hanuni rero afata abo basuku ba Dawidi+, arabamwa+ yongera acacuramwo kubiri impuzu zabo, azicacurira ku bibuno+ vyabo, araheza arabarungika+.  Mu nyuma abantu baja kumenyesha Dawidi ivy’abo bagabo; na we aca atuma abaja guhura na bo, kuko bari bateterejwe cane rwose; umwami abandanya kuvuga ati: “Nimugume i Yeriko+ gushika ubwanwa bwanyu bukuze bukaba bwinshi. Muzoheza mugaruke.”  Mu nyuma bene Amoni babona yuko basigaye banukira+ Dawidi, maze Hanuni+ n’abo bene Amoni barungika italanto igihumbi z’ifeza+ kugira ngo bikoteshereze imikogote+ n’abagendera ku mafarasi, vyo muri Mezopotamiya n’ivy’i Aramu-mayaka+ n’ivy’i Zoba+.  Gutyo bikoteshereza imikogote ibihumbi mirongo itatu na bibiri+, bahera n’umwami wa Mayaka n’abantu biwe+. Hanyuma baza gukambika imbere ya Medeba+; nayo bene Amoni, bakoranira hamwe bavuye mu bisagara vyabo, baraheza rero baraza kugira ngo barwane intambara.  Dawidi avyumvise, aca arungika Yowabu+ n’ingabo zose n’abagabo b’abanyenkomezi+.  Maze bene Amoni barasohoka, batonda urugamba ku bwinjiriro bw’igisagara, kandi abami+ bari baje, bari ukwabo mu gahinga. 10  Yowabu abonye ko ibitero vyari bimuturutse imbere n’inyuma, aca atora bamwe mu bagabo b’abahizi bose bo muri Isirayeli, abatondesha urugamba kugira bahure n’Abasiriya+. 11  Abantu basigaye, abashira mu kuboko kwa Abishayi+ mwene wabo kugira batonde urugamba ngo bahure na bene Amoni+. 12  Hanyuma avuga ati: “Abasiriya+ nibaba abakomeye rwose bakananira+, umbere rero ubukiriro; mugabo bene Amoni nibaba abakomeye rwose bakakunanira, nanje rero ndagukiza+. 13  Ukomere+, kugira ngo tugire umutima rugabo turwanire abantu bacu n’ibisagara vy’Imana yacu+; nayo Yehova, arakora ico abona ko ari ciza mu maso yiwe+.” 14  Nuko Yowabu n’abantu bari kumwe na we begera imbere y’Abasiriya ngo barwane+, maze bano barahunga+ bava imbere yiwe. 15  Nayo bene Amoni, babona ko Abasiriya bahunze, na bo nyene barahunga+ bava imbere ya Abishayi mwene wabo hanyuma binjira mu gisagara+. Mu nyuma, Yowabu yinjira i Yeruzalemu. 16  Abasiriya babonye ko batsinzwe+ imbere ya Isirayeli, barungika intumwa kuzana Abasiriya bari mu karere ka rwa Ruzi+, Shofaki* umukuru w’ingabo za Hadadezeri akaba ari we yari abagiye imbere. 17  Babimenyesheje Dawidi, aca akoraniriza hamwe Isirayeli yose maze ajabuka Yorodani, ashika aho bari araheza atonda urugamba kugira ngo abarwanye+. Dawidi atonze urugamba ngo ahure n’Abasiriya, bano batangura kumurwanya. 18  Ariko Abasiriya barahunga+ kubera Isirayeli; nuko Dawidi yica mu Basiriya abatwara imikogote ibihumbi indwi n’abagabo ibihumbi mirongo ine bari ku maguru, yongera yica Shofaki umukuru w’ingabo+. 19  Abasuku ba Hadadezeri babonye ko batsinzwe imbere ya Isirayeli+, baca bagiriranira amahoro na Dawidi, batangura kumukorera+; nuko Abasiriya ntibongera gushaka kugerageza gukiza bene Amoni+.

Amakuru yiyongereye

Muri 2Sm 10:16 ni “Shobaki.”