Gushikira ivyo urondera

Hitamwo ururimi

Ja ku rutonde rw'ibirimwo rwa kabiri

Ja ku birimwo

Ivyabona vya Yehova

Ikirundi

Kubera iki abantu bapfa?

Kubera iki abantu bapfa?

Inyishu Bibiliya itanga

Ni ibisanzwe kwibaza igituma abantu bapfa, na canecane igihe twabuze uwacu. Bibiliya ivuga iti: “Uruboyi ruzana urupfu ni igicumuro.”—1 Abakorinto 15:56.

Kubera iki abantu bose bacumura kandi bagapfa?

Abantu ba mbere Adamu na Eva baratakaje ubuzima bwabo kubera ko bacumuye ku Mana. (Itanguriro 3:17-19) Urupfu ni co kintu conyene cari kuva ku kuba baragararije Imana, kuko ku Mana ari ho hari “isôko ry’ubuzima.”—Zaburi 36:9; Itanguriro 2:17.

Adamu yaranduje igicumuro abamukomotseko bose. Bibiliya ivuga iti: “Igicumuro cinjiye mw’isi biciye ku muntu umwe urupfu na rwo [ruzanwa] n’igicumuro, gutyo urupfu [rukwira] ku bantu bose kuko bose bari baracumuye.” (Abaroma 5:12) Abantu bose barapfa kuko bose bacumura.—Abaroma 3:23.

Ukuntu urupfu ruzokurwaho

Imana irasezerana ko hazogera igihe “urupfu [i]zorumira miyonzwa gushitsa ibihe bidahera.” (Yesaya 25:8) Mu gukuraho urupfu, ibwirizwa gukuraho icaruteye, ari co gicumuro. Ivyo Imana izobigira biciye kuri Yezu Kristu, we “[a]kuraho igicumuro c’isi.”—Yohani 1:29; 1 Yohani 1:7.

 

Raba n'ibindi

Abapfuye bari hehe?

Raba ico Bibiliya ivuga ku bijanye n’iyo abapfuye bari be n’igituma abantu bapfa.