Skip to content

Sarina Witnisi te Zihova

Select language Roviana

Na Sa Sa Mua Binalabala Koa Sa Buka Hope?

Na Sa Sa Mua Binalabala Koa Sa Buka Hope?

Na sa sa mua inolaṉa . . .

  • na buka tinumatumae tie?

  • na buka vivinei malivi?

  • na Zinama te Tamasa?

 ZAMA SA BUKA HOPE

“Doduru kinubekubere hopedi si gore mae guadi koe Tamasa.”—2 Timote 3:16, New World Translation.

TINOKAE SAPU VAGIA GOI KOARI NA ZINAMA HIRE

Olaṉi sa sari na ninanasa arilaedi pa tinoa, meke qetu si gita.—Tinumatumae Te Solomone 2:1-5.

Turaṉa gita pa nada tinoa.—Samu 119:105.

Rinoverove hinokara na koari na rane mae hire.—Roma 15:4.

 VEA GUA, BOKA RAṈEA GITA GUA SAPU ZAMA NIA SA BUKA HOPE?

Uve, dogori sari binalabala hire:

  • Vari gotoi va leana. Kaiqa 40 votiki tie kuberia sa Buka Hope pa korapa na 1,600 vua­heni. Soku di arini si lopu vari gilani. Ba sa doduru na sa buka si vari gotoi meke keke mo sa ṉati binalabala.

  • Vivinei va hinokara ni sa, gua sapuele ta evaṉa. Soku totoso sari na tie kubekubere si lopu hiva vivinei vura ni sari na totoso sapu ta va mudi sari na dia tie koari na vinaripera. Ba sari ni sapu kuberia sa Buka Hope si votikaedi. Vivinei va bakala ni arini sari na dia sinea meke sinea tadina dia popoa.—2 Koronikolo 36:15, 16; Samu 51:1-4.

  • Sari na kinorokorotae sapu boka taraṉe. Tozi kenua Buka Hope kaiqa 700 vuaheni sapu kote podo sa Mesaia pa Betilihema, keke vasileana hitekena pa Judah. (Maika 5:2) Vasina si podo se Jisu!—Matiu 2:1-6.

Soku hola kinorokorotae pa Buka Hope si ele gore vura. Pada pude gua asa sina na Zinama te Tamasa si asa.2 Pita 1:21.

 BALABALAIA SAPU HIE

Vea gua meke boka tokanigo sa Zinama te Tamasa?

Olaṉia Buka Hope sa ninanasa hie pa AISEA 48:17, 18 meke 2 TIMOTE 3:16, 17.