Skip to content

Skip to secondary menu

Sarina Witnisi te Zihova

Roviana

Vea Gua, Boka Toa Pule Sari Ni Sapu Mate?

Vea Gua, Boka Toa Pule Sari Ni Sapu Mate?

Na sa sa mua inolaṉa . . .

  • uve?

  • lokari?

  • lopu gilania rau?

 ZAMA SA BUKA HOPE

“Kote va toa pulei Tamasa sari na tie.” —Sarina Tinavete Tadina Apositolo 24:15, New World Translation.

TINOKAE SAPU VAGIA GOI KOARI NA ZINAMA HIRE

Manoto totoso mate sari ni sapu tataru ni goi.—2 Koriniti 1:3, 4.

Lopu matagutu nia goi sa minate.—Hiburu 2:15.

Tagoa goi sa rinoverove pude koa varigarae turaṉa pulei sari turaṉamu meke baere sapu mate.—Zone 5:28, 29.

 VEA GUA, BOKA RAṈEA GITA GUA SAPU ZAMA NIA SA BUKA HOPE?

Uve, dogori sari binalabala hire:

  • Tamasa Tavetena sa tinoa. Zama sa Buka Hope e Jihova Tamasa ‘sa iririna sa tinoa.’ (Samu 36:9 Sarina Kinera Vinahesi; Sarina Tinavete Tadina Apositolo 17:24, 25) Sina Tamasa poni nia sa tinoa koari doduru tiṉitoṉa toa di, asa tugo boka poni pule nia sa tinoa koa sa tie matena.

  • Pa totoso pukerane, va toa pulei Tamasa sari kaiqa tie. Vivinei nia Buka Hope ari ka vesu tie sapu toa pule pa pepeso, arina koreo meke vineki vaqura, barogoso meke kaleqe. Kaiqa koari ni si mate pa totoso papakana meke tava toa pule, meke keke si ele made rane nia pa korapa popomunuana.—Zone 11:39-44.

  • Hiva hola tavete pule gua asa se Tamasa. Hakohako hola nia Jihova sa minate; balabala guninia sa na kana. (1 Koriniti 15:26) Hiva hola nia Jihova pude va beto pania sa kana asa. Kote tavetia Sa totoso va toa pulei Sa pa pepeso sari ni sapu koa pa nana binalabala.—Zobi 14:14, 15.

 BALABALAIA SAPU HIE

Na vea gua meke barogoso, kaleqe meke mate si gita?

Olaṉia Buka Hope sa ninanasa hie pa ZENESESI 3:17-19 meke ROMA 5:12.