Skip to content

Skip to secondary menu

Skip to table of contents

Sarina Witnisi te Zihova

Roviana

Inavoso Leana Mae Guana Koe Tamasa!

 Lesoni 1

Na Sa sa Inavoso Leana?

Na Sa sa Inavoso Leana?

1. Na sa sa inavoso mae gua na koe Tamasa?

Hiva ni Tamasa sari na tie pude koa qetuqetu pa pepeso. Tataru ni Tamasa sari na tie gua ke va podakia sa sa pepeso meke doduru tiṉitoṉa sapu koa pa pepeso. Koari na rane mae hire kote va leana pulea sa sa kinoa tadina tie pa doduru vasina. Kote va beto pani sa sari na doduru tinasuna.Tiroa 1 Timote 6:19.

Loke qinavuna tadina tie kote boka va beto pani sari na hahanana kaleadi, minoho, meke na minate. Ba hie sa inavoso leana. Sa qinavuna te Tamasa kote hobei sari na qinavuna tadina tie. Sari na tie sapu koa va pepekae koa sa qinavuna te Tamasa si kote qetuqetu meke koa va leana.Tiroa Revalesoni 21:4; Daniela 2:44.

2. Na vea gua meke arilaena hola sa inavoso leana?

Totoso va beto pani Tamasa sari na tie kaleadi, asa sa totoso kote ta va beto sari na tinasuna. (Zepanaea 2:3) Pana visa kote gore vura si hie? Ele tozi va kenua Buka Hope sari na hahanana kaleadi tadina tie kamahire. Sari na tiṉitoṉa sapu ta evaṉa kamahire si va sosodea sapu tata kote va beto pani Tamasa.Tiroa 2 Timote 3:1-5.

3. Na sa si kaqu tavetia gita?

Kaqu tumae nia gita sa Buka Hope meke kote gilania gita se Tamasa. Sa Buka Hope si gua na keke leta mae gua na pa keke papa sapu tataru ni sa sari nana koburu.Tozi nigita sa vea gua meke boka vagia gita sa tinoa qetuqetu kamahire meke sa tinoa hola pa pepeso. Lopu doduru tie kote qetu nigo totoso vagi tinumatumae si goi pa Buka Hope. Ba lopu va malumi pude va noso igo pude vagi tinumatumae pa Buka Hope. Sa tinumatumae hie si kote poni nigo sa tinoa qetuqetu.Tiroa Matiu 5:10-12; Revalesoni 14:6, 7.