Skip to content

Skip to secondary menu

Skip to table of contents

Sarina Witnisi te Zihova

Roviana

Inavoso Leana Mae Guana Koe Tamasa!

 Lesoni 7

Na Sa Sa Binaṉara te Tamasa?

Na Sa Sa Binaṉara te Tamasa?

Na vea gua meke e Jisu si pada Baṉara? —MAKA 1:40-42.

1. Na sa sa Binaṉara te Tamasa?

Sa Binaṉara te Tamasa si keke qinavuna pa maṉauru. Sa qinavuna asa kote va betoi sari doduru qinavuna pa pepeso. Meke asa tugo sa qinavuna kote va gore vuraia sa hiniva te Tamasa gua pa maṉauru mani guninia tugo pa pepeso. Asa si keke inavoso leana mae gua na koe Tamasa. Sa Binaṉara te Tamasa si kote tokani sari na tie. Tata kote koa keke sari doduru tie pa pepeso pa kauru na sa Binaṉara hie.Tiroa Daniela 2:44; Matiu 6:9, 10; 24:14.

Keke binaṉara si kaqu ari nana baṉara. Ele vizatia Jihova sa Tuna, Jisu Karisito, pude na Baṉara koa sa nana Binaṉara.Tiroa Revalesoni 11:15.

2. Na vea gua meke e Jisu si pada Baṉara?

Sa Tuna Tamasa si pada Baṉara sina koaia tataru meke turu va nabu pa tinoṉoto. (Zone 1:14) Tago ṉiniraṉira si asa pude tokani sari na tie, sina koa pa maṉauru si asa meke kote baṉara mae nia sa sa pepeso. Mudina toa pule se Jisu si sage la pa maṉauru meke habotu aqa pa kali matao na Jihova si asa. (Hiburu 10:12, 13) Meke tiqe poni nia Tamasa sa ṉiniraṉira pude podalae tavetavete gua na baṉara.Tiroa Daniela 7:13, 14.

3. Esei si kote baṉara turaṉia se Jisu?

Keke puku tie sapu ta pozae ‘arini sapu hopedi’ arini si kote baṉara turaṉia se Jisu pa maṉauru. (Daniela 7:27) Arini sapu vizata kenui sa koari ni sapu hopedi si ari nana disaepeli ta raṉedi. Kamo kamahire korapa vizati Jihova sari na palabatu  meke barikaleqe ta raṉedi pude somana koari ni sapu hopedi. Na tini maqomaqo si kote tagoa arini totoso toa pule, kekeṉoṉo gua Jisu.Tiroa Zone 14:1-3; 1 Koriniti 15:42-44.

Ari ka visa tie si la pa maṉauru? Poza ni Jisu na “puku minate hite.” (Luke 12:32, BHPZR) Ari ka 144,000 tie si pa korapana sa puku tie hie. Arini meke Jisu si kote baṉara mae nia sa pepeso.Tiroa Revalesoni 14:1.

4. Na sa si ta evaṉa totoso podalae baṉara se Jisu?

Sa Binaṉara te Tamasa si podalae baṉara pa vuaheni 1914. * Sa tiṉitoṉa kekenu tavetia Jisu totoso Baṉara sa, si gona gore mae nia Sa pa pepeso se Setani meke sari nana mateana kaleadi. Bugoro hola se Setani meke poni ni tinasuna sa sari na tie pa pepeso. (Revalesoni 12:7-10, 12) Podalae totoso asa sari na tinasuna sapu kamoi arina tie si gigiri hola. Sari na vinaripera, inovia, minoho meke na niu, hire sari na vinagilagila sapu va sosodea sapu tata kote va toṉoti sa Binaṉara sari doduru tinasuna pa pepeso.Tiroa Luke 21:7, 10, 11, 31.

5. Na sa si tavetia sa Binaṉara te Tamasa kamahire meke koari na rane mae hire?

Koa sa tinavete tarae sapu korapa ta tavete kamahire, sa Binaṉara te Tamasa si korapa varigarae nia pa kasia popoa si keke puku tie lavata sapu mae guadi koari na doduru popoa. Soku milione tie sapu koa ṉoṉo si koa va pepekae koe Jisu. Sa Binaṉara te Tamasa si kote kopu ni sari ni totoso va betoa sa sari doduru kinaleana pa kasia popoa. Arini sapu hiva koa va leana pa kauru na sa Binaṉara te Tamasa si kaqu va tabea se Jisu.Tiroa Revalesoni 7:9, 14, 16, 17.

Sa Binaṉara si kote va gore vuraia sa hiniva te Tamasa koari na tie pa korapa na 1,000 vuaheni. Kote paradaesi sa doduru na sa pepeso. Mudina asa si kote vala pule nia Jisu sa Binaṉara koe Tamasa. (1 Koriniti 15:24-26) Vea gua, koe sei si kote hiva vivinei lania goi sa Binaṉara te Tamasa?Tiroa Samu 37:10, 11, 29.

 

^ par. 12 Pude hiva gilania goi sa kinorokorotae guguana sa vuaheni 1914 si dogoria sa buka Wanem Nao Really Samting wea Bible Teachim? pezi 216-218.