Skip to content

Skip to secondary menu

Sarina Witnisi te Zihova

Roviana

Na Sa sa Binaṉara te Tamasa?

Na Sa sa Binaṉara te Tamasa?

Na sa sa mua inolaṉa . . .

  • na tiṉitoṉa sapu koa pa bulomu?

  • na zinama loke laena?

  • na qinavuna pa maṉauru?

 ZAMA SA BUKA HOPE

“Podalae nia Tamasa si keke binaṉara pa maṉauru sapu lopu kaqu tava beto.”—Daniel 2:44, New World Translation.

“Ta poni nia gita si keke koburu koreo; meke sa qinavuna si hake pa avarana.” —Isaiah 9:6, footnote.

TINOKAE SAPU VAGIA GOI KOARI NA ZINAMA HIRE

  • Keke qinavuna toṉotona sapu boka tokanigo.—Isaiah 48:17, 18.

  • Tinoa hola meke tinoa qetuqetu koa sa totoso sapu korapa mae hire.—Revelation 21:3, 4.

 VEA, BOKA RAṈEA GITA GUA SAPU ZAMA NIA SA BUKA HOPE?

Uve, dogori sari binalabala hire:

  • Va dogoro nia Jisu gua sapu kote tavetia sa Binaṉara te Tamasa. Totozi ni Jisu sari nana disaepeli pude varavara tepaia sa Binaṉara te Tamasa pude mae, meke sa hiniva te Tamasa si kaqu ta evaṉa pa pepeso. (Matthew 6:9, 10) Va dogoro nia Jisu vea gua meke kote gore vura sa vinaravara hie.

    Totoso koa se Jisu pa pepeso, poni sa sari ni sapu ovia, salaṉi sa sari ni sapu moho, meke va toa pulei sa sari ni sapu mate! (Matthew 15:29-38; John 11:38-44) Sina Jisu kote Baṉara nia sa Binaṉara te Tamasa koari na rane mae hire, si va dogoro nia sa gua sapu kote tavetia sa koari na tie sapu koa va pepekae koa sa Binaṉara hie.—Revelation 11:15.

  • Sari na tinasuna pa kasia popoa va sosodea sapu tata mae sa Binaṉara te Tamasa. Zama kenu nia Jisu sapu totoso lopu ele va maeia sa Binaṉara sa binule pa pepeso, si kaqu ta evaṉa kenu sari na vinaripera, inovia, meke niu.—Matthew 24:3, 7.

    Dogori gita kamahire sari na tinasuna hire. Gua asa meke raṉea gita sa Binaṉara te Tamasa si kote tata va beto pani sari doduru tinasuna.

 BALABALAIA SAPU HIE

Kote vea gua sa nada tinoa totoso baṉara nigita sa Binaṉara te Tamasa?

Olaṉia Buka Hope sa ninanasa hie pa PSALM 37:29 meke ISAIAH 65:21-23.