Skip to content

Skip to secondary menu

Sarina Witnisi te Zihova

Roviana

Na Sa Sa Mua Binalabala Koari Na Rane Sapu Korapa Mae Hire?

Na Sa Sa Mua Binalabala Koari Na Rane Sapu Korapa Mae Hire?

Vea gua, sa kasia popoa si kote . . .

  • koa kekeṉoṉo?

  • kaleana nono la?

  • leana?

 ZAMA SA BUKA HOPE

“Kaqu puha pani [Tamasa] sari doduru kolo pa matadia, meke lopu kaqu mate, meke loke tinalotaṉa, kinabo meke tina sigiti. Ele murimuri palae sari doduru tiṉitoṉa koadi.” —Revalesoni 21:4, New World Translation.

TINOKAE SAPU VAGIA GOI KOARI NA ZINAMA HIRE

Kote qetu nia goi sa mua tinavete.—Aisea 65:21-23.

Loketoṉa minoho meke tina sigiti.—Aisea 25:8; 33:24.

Kote qetu meke toa hola turaṉi sari ni sapu tataru ni goi.—Samu 37:11, 29.

 VEA GUA, BOKA RAṈEA GITA GUA SAPU ZAMA NIA SA BUKA HOPE?

Uve, dogori sari binalabala hire:

  • Tagoa Tamasa sa ṉiniraṉira pude va gore vuraia sa nana vina tatara. Zama sa Buka Hope telena Jihova sa ‘Baṉara Ṉiṉira’ sina loke vina betona sa nana ṉiniraṉira. (Revalesoni 15:3) Gua asa meke pada hola si asa pude va gore vuraia sa nana vina tatara pude va leana pulea sa kasia popoa. Zama sa Buka Hope, “loketoṉa si tasuna koe Tamasa.”—Matiu 19:26.

  • Hiva hola va gore vuraia Tamasa sa nana vina tatara. Gua asa meke hiva hola va toa pulei Jihova sari ni sapu ele mate.—Zobi 14:14, 15.

Vivinei nia tugo Buka Hope sapu salaṉi Jisu, sa Tuna Tamasa, sari ni sapu moho. Na vea gua meke tavete gua asa si asa? Sina hiva hola tavetia sa. (Maka 1:40, 41) Hiva hola tokani sa sari na tie, kekeṉoṉo gua sa Tamana.—Zone 14:9.

Gilania gita sapu e Jihova meke Jisu hiva nigita pude qetuqetu pa nada tinoa koari na rane mae hire.—Samu 72:12-14; 145:16; 2 Pita 3:9.

 BALABALAIA SAPU HIE

Vea gua meke kote va leana pulea Tamasa sa kasia popoa hie?

Olaṉia Buka Hope sa ninanasa hie pa MATIU 6:9, 10 meke DANIELA 2:44.