Skip to content

Skip to secondary menu

Sarina Witnisi te Zihova

Roviana

Vea Gua, Kote Beto sa Kinoa Tasuna?

Vea Gua, Kote Beto sa Kinoa Tasuna?

Na sa sa mua inolaṉa . . .

  • uve?

  • lokari?

  • lopu gilania rau?

 ZAMA SA BUKA HOPE

“Tamasa . . kote puha pani doduru kolo pa mata dia meke loketoṉa minate, kinoa tasuna, kinabo, meke tinasigiti.”—Revalesoni 21:3, 4, Contemporary English Version.

TINOKAE SAPU VAGIA GOI KOARI NA ZINAMA HIRE

Gilania goi sapu lopu maedi koe Tamasa sari nada tinasuna.—Zemisi 1:13.

Totoso koa tasuna si goi, manoto si goi sina gilania Tamasa sa mua tinasuna.—Zakaraea 2:8.

Tagoa goi sa rinoverove sapu kaqu beto sa kinoa tasuna.—Samu 37:9-11.

 VEA GUA, BOKA RAṈEA GITA GUA SAPU ZAMA NIA SA BUKA HOPE?

Uve, dogori sari binalabala hire:

  • Lopu hiva nia Tamasa sa kinoa tasuna meke sari hahanana ṉoṉovala. Vivinei nia sa Buka Hope sapu talotaṉa hola se Jihova totoso ṉoṉovali arina tie sari nana tie pukerane.—Zazi 2:18.

    Lopu qetu ni Tamasa sari na tie sapu ṉoṉovala la koari na tie. Vivinei nia Buka Hope sapu lopu hiva ni Tamasa sari na tie sapu va mate tie.—Tinumatumae Te Solomone 6:16, 17.

  • Hopeke tataru nigita Tamasa. Hiva nigita Jihova pude tozi la ni koa sa sari nada tinalotaṉa sina ‘tataru nigita sa.’—1 Pita 5:7.

Tata kote tavetavete nia Jihova sa nana Binaṉara pude beto pania sa kinoa tasuna tadina tie. (Matiu 6:9, 10) Totoso lopu ele kamoa gita sa totoso asa, va manoti sa sari na tie sapu hata va leanaia si asa.—Sarina Tinavete Tadina Apositolo 17:27; 2 Koriniti 1:3, 4.

 BALABALAIA SAPU HIE

Na vea gua meke malumia Tamasa sa kinoa tasuna?

Olaṉia Buka Hope sa ninanasa hie pa ROMA 5:12 and 2 PITA 3:9.