HAT ta niuspepat ma. Kelse kesmạl ruerue mea‘mea‘ heta, ne a‘fại se retio heta. Ma ‘on rogrog ma‘oi pạu ‘e kaofoho, pelu, ma agne‘ne‘ mamạru! A‘häe se te noanoa ne sok se ‘äea. Kop ma ‘af‘afa, ne al ‘on ta le‘et ne ‘äe hanis sin, iạ hö‘ ru ti‘ pạu se ‘ou huga. Nono ma ‘äe la a‘häe fakse fa ‘atmại ta Jope ne ‘ea ne iạ “hoi se ma ‘e kokono.”—Jope 10:15, The Holy Bible in the Language of Today.

Sạio‘ se ‘äea:

• Tei ka te‘is ‘amnȧk ‘on ‘Ạitu se gou ma famör ne tore?
• Hạiasoaga la pōom ‘e tei la po la gou la tạria ma agạia ‘otou pefä‘e?
• Tei ka ‘is la pola kelse fürmaria ma hạia‘leleiga ‘e rȧnte‘ ‘e ta avat?

Puk Ha‘a tög a‘taf a‘lelei pạu sạio‘ ‘i.

PUK HA‘A ‘EA TE‘ NE TE NE ‘ẠITU LA JEN ‘E RȦNTE‘.

“Ma ia täla i‘ua te‘ ne sui ne maf ‘atakoa ‘e ‘oris mafa; ma ala täla toak pauena; ma mamäe ma ouou ma rū kal rē hoi‘ȧk ra.”—Kel‘ȧk Tē 21:4

“Le‘et ne la‘ hoto la ferferean la fak se tiet.”—Aisea 35:6

“Maf ‘on lelea‘ maf pogi la puạl.”—Aisea 35:5

“Te‘ ne iris ‘atakoa ne täe ‘e fạmuạg ne a‘häe‘ạkiga…täla hotomea.”—Jone 5:28, 29, NW

“Tā kal ‘ea ra, Gou ‘af‘af.”—Aisea 33:24

“Uiti la fuạmamạu ‘e rȧn te‘.”—Salamo 72:16

PO ‘ES‘AO NE TE NE PUK HA‘A ‘EA

‘Äe se pa mijmij sirien la a‘vȧh ne te ne foar vạhia, iris hea‘hea‘ vävär. ‘Ạitu fäeag reut vạhia la a‘sok te‘ ne te ‘atakoa ‘i, ma Puk Ha‘a sui‘ȧk vạhia ne iạ la a‘sok tapen.

Ka Puk Ha‘a ‘ea tape‘ma te ‘es‘ao ma‘oi hoi‘ȧk. Iạ na ki het ne ‘äe la po‘ia mȧür ‘oaf‘oaf fürmaria, kamatama ‘e ‘on ‘i hete‘. A‘häe a‘luạk se ‘ou kokono ma te noanoa. La fakse ökök fakmone, pefȧ‘ ne kạunohoga, ‘af‘af ne foro, ne al ‘on ta le‘et ne ‘äe hanis sin. Puk Ha‘a la pola hạiasoagan ‘äe la pola tạria ma ao potoan ‘ou pefä‘e ‘e ‘on ‘i‘i ma na fürmaria tape‘ma ‘e reko tög ne sạio‘ ‘i:

• Po ‘e tes tä ‘is tȧr te a‘ru?
• Tes tä ‘is la re se ‘os kokono ma ararua?
• Tes tä ‘is la re la po la ‘ut‘ut‘ȧk se‘ mȧür ‘oaf‘oaf ne ‘os kạunohoga?
• Tes tä sok se ‘isa ‘e av ne ‘is ala?
• Tei ka ‘is la pola hạikeleag hoi‘ȧk ma iris ne ‘is hanis sin ka atia?
• ‘Is la pola aier‘ȧk tapen ne ‘Ạitu la a‘sok ‘on fäeag reutu hün se te ne la sok ‘e ‘on fakmuri?

‘E reko ‘äe hat‘ia puk hete‘, ma te te‘is kel‘ȧk ne ‘äe pa ‘inea te ne Puk Ha‘a ‘ea. Puk hete‘is la hạiasoag ‘äe. ‘Äe la räe ne parakarafa ma ‘on sạio‘ ‘e a‘ofiạg ne rạupeap ta. Famör miliön his ‘oaf la garue‘ȧk kạinag rere hete‘ la na sạio‘ ma tög ‘e av ne iris hạifäegag se Puk Ha‘a ma Jihova Uetnes ta. ‘Ạmis ‘ạröt‘ȧk ne ‘äe la ‘oaf tape‘ma sin. ‘Ạitu la hanis la ạlạlum‘ȧk ‘äe la pola ‘äe la ‘oaf‘oaf ‘e ‘ou rakoag ne te a‘ririạf ma a‘fürmaria huạg ne Puk Ha‘a ‘ea aire!

FE‘EN LA ‘INEA ‘OU PUK HA‘A

MA ‘ON puk 66 ne tạunȧ‘ ma re se Puk Ha‘a. Puk ‘i hạiväeag se väe ma utu la pola vavhian ‘on la hathat ne. ‘E av ne juj‘ạkim ut ne puku ‘e puk hete‘, nampa mumue ta ‘e vạhiag ne as ta foram väe ne puk heta ne Puk Ha‘a, ma ‘on rue ‘ạligen ut ta. La fakse ut ne puk ta “2 Timoti 3:16” ‘on fuạga ruạ ne pukut se Timoti, väe 3, ma ut 16.

‘Äe la pola potsusun mij pạu ‘e gargarue‘ȧk ne Puk Ha‘a nono ka ‘äe la säe ut ne puk ‘atakoa ne juj‘ạkim ‘e puk hete‘. Tape‘ma, tapen se ‘äe la väe a‘vȧh ta av het la hat Puk Ha‘ ‘e te‘ ne terȧn ‘i? Kepoi ka ‘äe la hat väe fol se liạm ‘e terạnit, ma ‘äe la pola hat Puk Ha‘ ‘atakoa heta ‘e laloag ne fạut.