HӦL SE TĒ ‘E ‘ON LALOGA

Skip to secondary menu

Skip to table of contents

Uetnes ‘on Jihova

Rotuạm ta

‘Os Mȧür fakKaristo ma Garue Agaga-Puk ne Tạunȧ‘ ta  |  Sepitempa 2016

 ‘OS MȦÜR FAKKARISTO

Kepoi ka Le‘ Mea‘mea‘ het ta Säe se Nu‘suạr ta

Kepoi ka Le‘ Mea‘mea‘ het ta Säe se Nu‘suạr ta

‘Is la far la hạifäeagag ma ‘on ö‘rua, kepoi ka ta le‘ mea‘mea‘ het ta säea nu‘suạr ta. Tē te‘is kel‘ạkia ‘os ‘ē‘ạkiạg ne fūfū fakfilo‘ ta. (FEF 6:20) Kepoi ka ‘on ö‘rua kat pupuạ ra, ‘is noj la hö‘ hoi‘ȧk ‘e ta av hoi‘ȧk het. Se sur ‘e avat ne le‘ ta la ‘ih ‘äe la sur.

Kepoi ka le‘ ta mafuạ se‘, kop ma ‘e fạu 15 se 19, ‘is la pō la sạio‘ se ia ne tei ‘on ö‘rua. Kepoi ka ‘on ö‘rua kat pupuạ ra, ‘is la pō la sạio‘ ne te ka ‘on ö‘rua aier‘ȧk la iạ la hil ‘e ia puk ne iạ pa hata. Kepoi ka ‘i, ma ‘is la pō la nā ‘on puk ma kel‘ạkia se iạ ‘os website ta jw.org.

‘E avat ne ‘is la hö‘ hoi‘ȧk se ta le‘ haharạgit ne kel‘ạkia ‘on ‘ofa, ‘is nonoj la far la hạipoag ma ‘on ö‘rua. Te‘is salat ne ‘is la pō la sui‘ạkia ‘amnȧk ne ‘os ȧs ta, ma la kel‘ȧk tape‘ma se irisa muạ‘ạkiạg ‘es‘ao ne kạunohoga la pō la tua‘nȧk sin ‘e Puk Ha‘a. (Sal 119:86, 138) ‘Os ‘ē‘ȧk ne ö‘rua iạ uetnes leleit ma kop ma täla säe sal la ‘is la hạiväegan rog heg ta ma kạunohoag ta.—1Pi 2:12.