HӦL SE TĒ ‘E ‘ON LALOGA

Skip to secondary menu

Skip to table of contents

Uetnes ‘on Jihova

Rotuạm ta

‘Os Mȧür fakKaristo ma Garue Agaga-Puk ne Tạunȧ‘ ta  |  Maji 2016

 NĀ ‘OU VAHIA ‘E GARUE AGAG TA

‘Ut‘ạkia se Muạ ‘Os Fạiva ‘e Garue Agag ta—Osia Tē ne ‘Ӓe la ‘Ea

‘Ut‘ạkia se Muạ ‘Os Fạiva ‘e Garue Agag ta—Osia Tē ne ‘Ӓe la ‘Ea
SÄE MA ‘IO
Text
Image

‘E RĒKO TESE IẠ TĒ PUMUET: Aier ne kel‘ạkiạg ne tē la ‘ea ‘e puk ne tạunȧ‘ ta ‘es hạiasoag lelei, ka iạ pȧn la kel‘ạkiạg het la‘ma. Ka ‘äe la ‘ea ‘e ‘ou fäega. ‘Äe kop ma la ‘oaf se ta rērē hoi‘ạkit ne ‘oaf se ta filo‘ het ne ‘äe a‘häe la täe se famori. Kepoi ka ta‘, ‘e vạhiạg ne ‘ou hatag ne mekasin ta, sạkiroag se kel‘ạkiạg ne tē la ‘ea, ma keleag se vitio ta, ‘äe la pō la ‘es‘av‘ȧk a‘häe he his ‘i la osia tē ne ‘äe la ‘ea.

TĒ NE LA RĒ:

Sạio‘ se ‘äea, ‘Ka te ka gou ‘oaf la ‘es‘av‘ȧk ta kel‘ạkiạg ne tē la ‘ea ne ös vạhia?’

‘I

  • Osia fäeag ne ‘äe la ‘ea la kamatan hạifäegag ta. Vạhiạg ne ‘ou ‘uạ‘uạ‘ȧk ta, sui‘ȧk hün ne ‘ou ȧs ta. (Kel‘ạkiạg het: “Gou leum ‘e rēko. . . ”)

  • Rē a‘häe se ‘ou la fūfū‘ȧk ne ‘ou sạio‘ ne ‘äe la ‘ea, ut ne puku ma tē ne ‘äe la ‘ea. (Kel‘ạkiạg het: La fäeag‘ạkia ta ut ne puk het, ‘ӓe la po la ‘ea: “Tög ne sạio‘ ta la pō ‘e te‘.”)

‘IGKȦ‘

  • Hil ta filo‘ het ‘e mekasin ta ne ‘äe ‘oaf se ka la ‘es‘ao se utut ne väe la garue sin

  • Hil ta sạio‘ het ne rue‘ȧk a‘häe ‘on iạ ne a‘fại la kamatan ta hạifäegagat ka matạ‘ la se rē iạ la masrag. (Kel‘ạkiạg het: Sạio‘ ne täe ‘e rạu peap 2 ne mekasin ta.)

  • Hil ta ut ne puk het la hat. (Kepoi ka ‘äe la nā‘ia Awake! ta puer se ‘äe kepoi ka ‘äe pa hat ut ne puk ta, ‘e rēko mekasin te‘ ös se iris ne ‘oris ‘ineag ne Puk Ha‘a mea‘mea‘ ma tokana ‘e la tua‘nȧk se rotu.)

  • Ösös ta fäeag ạf ‘eseat ne ruet ne sui‘ạkia ne ‘es‘ao tese ta famör ‘es rī ta la pō ‘e ‘on hatag ne mekasin ta

‘E TA SAL HOI‘ẠKIT

  • Ös ta sạio‘ het ne ‘äe la tög ‘e ‘ou la hö‘ hoi‘ȧk ta

  • ‘Äe la fȧ‘ la pō la ‘äe la a‘häe‘ạkia tē ne ‘äe pa ‘ea ‘e tē a‘ hete‘