HӦL SE TĒ ‘E ‘ON LALOGA

Skip to table of contents

Uetnes ‘on Jihova

Hil fäeag ta Rotuạm ta

 ‘OS MȦÜR FAKKARISTO

Fū Hoi‘ạkiạg taPō ke ‘E Hạitogiạg ta

Fū Hoi‘ạkiạg taPō ke ‘E Hạitogiạg ta

A‘häe‘ạkiạg ta iạ av leleit la ‘is la a‘häe‘ạkia ạlạlum‘ạkiga ‘e avat ne ‘ut‘utum ne pō ke ‘e hạitogiạg ta la fak se fū hoi‘ạkiạg ta. ‘Eake ‘amnȧk ‘on Jihova la famori la al. Ta ‘on‘on iạ tē a‘rū huget se ‘isa ‘e avat ne le‘et ne ‘is hanisi ala e. (1Kor 15:26) Jisu ‘on huga rū ‘e ‘on keleag se ‘on tisaipeli ou‘ạkia alag ‘on Lasarusa. (Jon 11:33-35) ‘E rēko Jisu ȧr se ‘on Ö‘fā ta, ma ‘is aier‘ȧk tape‘ma ne Jihova ‘on huga rū ‘e ‘on keleag se ‘os la ou‘ạkia alag ‘on le‘et ne ‘is hanisi. (Jon 14:7) Jihova noh kạt‘ȧk se av het la iạ la fū‘ȧk hoi‘ȧk sio ‘on lelea‘ e‘a ‘e ala. ‘Is tape‘ma noj la noh kạt‘ȧk se.Jope 14:14, 15.

‘I Jihova iạ ‘Ạit ne fūfū‘ȧk tē, ma ‘is ‘inea ne fū hoi‘ạkiạg ta la sok ‘e salat ne fakag. (1Kor 14:33, 40) Täla tokana ‘e ‘es aragvak, ka kop ma ta fūfū‘ȧk het la ‘is la hạipoag ma iris ne fū‘ȧk hoi‘ȧk sio. Ka tei ka ‘äe a‘mou rē a‘häe‘ạkia fū hoi‘ạkiạg ta ‘e av ne ‘ou huga rū? (2Kor 4:17, 18) Ka tei ka ‘äe ‘uạ‘uạ‘ạkia Jihova ‘e ‘on rēag ne hạitogiạg ta, ma ‘on no‘ȧk ne ‘e Ut ne Puku ne iris ne atia täla mȧür hoi‘ȧk?Kol 3:15.

  • Ka sei tä iris ‘e ‘ou kạumane‘aga ma ‘ou kạinaga ‘äe kạt‘ȧk la kel hoi‘ȧk se?

  • Ka sei tä iris ‘e Puk Ha‘a tä ‘äe pa ‘es la hạipoag ma?