Skip to content

Skip to table of contents

Timboni ta Yehovha

Hlawula lidzrimi Xironga

Kenneth E. Cook Jr ni nkatakwe, Jamie

Xizro Leximpswha Xa Huvo Leyi Zrangelaka

Xizro Leximpswha Xa Huvo Leyi Zrangelaka

HI Wawuzrazru nimixo, hi 24 ka Janeru wa 2018, mindangu ya Betele ya le Estados Unidos ni Canadá yi nyonxe hi ku yingela xitiviso xa ku hlawuleka lexi a xi ku: Makwezru Kenneth Cook Jr i xizro xa Huvo leyi Zrangelaka ya Timboni ta Yehovha.

Makwezru Cook a belekiwe a tlhela a kulisiwa a nyingitimu-xikazri ka Pensilvânia, E.U.A. A dondzre ntiyiso ka mudondzri-kulobye na a li kusuhi ni ku heta a Sekundariya nakone a babatisiwe hi 7 ka Junyu wa 1980. A sungule ntizro wa nkama hinkwawu swanga phayona dzra nkama hinkwawu hi 1 ka Setembru wa 1982. Ntsrhaku ka ku phayona malembe mabidzri, a zrambiwe ku ya tizra a Betele, lani a sunguliki ntizro wakwe wa le Betele a Wallkill, Nova Iorque, hi 12 ka Otubru wa 1984.

Ka 25 wa malembe lama landzreliki, Makwezru Cook a tizre ka swiyavelo swinyingi swa ku fana ni ka Wugandlisi ni Xikritori xa Betele. A txhate na Jamie, hi 1996, lweyi a sunguliki ku tizra na yene a Betele dzra le Wallkill. Hi Dezembru wa 2009, Makwezru Cook ni nkatakwe va zrumeliwe ku ya tizra a Ntsindzra Ya Dondzro Ya Watchtower a Patterson, Nova Iorque, lomu Makwezru Cook a yaveliwiki ku tizra ka Ndzrawulo Ya Mapapela Ya Xihubyana Xa Ku Tsrala. Hi Abrili wa 2016, ntsrhaku ka nkamanyana na va tlhelele a Wallkill, Makwezru Cook ni nkatakwe va zrumeliwe a Brooklyn, a Nova Iorque. Ntsrhaku ka ntlhanu wa tiwheti, va zrumeliwe ku ya tizra ka ntsindzra ya misava hinkwayu, a Nova Iorque. Hi Janeru wa 2017, Makwezru Cook a yaveliwe ku tizra swanga mupfunisi wa xihubyana xa ku tsrala xa Huvo Leyi Zrangelaka.