Skip to content

Skip to table of contents

Timboni ta Yehovha

Hlawula lidzrimi Xironga

 XIYENGE 1

Xana Hi Mu Yingisetisa Ku Yini Xikwembu Nkulukumba?

Xana Hi Mu Yingisetisa Ku Yini Xikwembu Nkulukumba?

Xikwembu Nkulukumba a vulavula na hine hi ku tirhisa Bibele. 2 Timoteo 3:16

Xikwembu Nkulukumba wa xihlayelanfurhi a kongomisi vhanu ku trala miyanakanyu yakwe abukwini dra ku xwenga. Buku ledro i Bibele. Drone dri ni madrungula ya lisima lawa Xikwembu Nkulukumba a djulaka leswaku u ma tiva.

Xikwembu Nkulukumba a tiva leswi nga swinene ku hine, nakone hi yene Xihlovo xa wutlharhi hinkwabyu. Loko u mu yingiseta, u ta tlharhiha hakunene.​—Amaproverbia 1:5.

Xikwembu Nkulukumba a djula leswaku vhanu hinkwavu amisaveni va dondra Bibele. Swoswi dri kumeka hi tindrimi ta ku tala.

Loko u djula ku yingiseta Xikwembu Nkulukumba, u fanela ku dondra ni ku twisisa Bibele.

 Vhanu amisaveni hinkwayu va yingiseta Xikwembu Nkulukumba. Mattheo 28:19

Timboni ta Yehovha ti nga ku pfuna ku twisisa Bibele.

Tone ti dondrisa xihlayelanfurhi mayelana na Xikwembu Nkulukumba amisaveni hinkwayu.

A wu sindriseki ku hakela ntxhumu hi ku yamukela ndondro leyo. Nangweso, u nga dondra hi ta Xikwembu Nkulukumba aNdlwini ya Nfumu ya Timboni ta Yehovha ambangwini lowu u hanyaka ku wone.