Skip to content

Skip to table of contents

Timboni ta Yehovha

Hlawula lidzrimi Xironga

 XIYENGE 3

Wutomi Afa Byi Trhamisi Ku Yini aParadeisini?

Wutomi Afa Byi Trhamisi Ku Yini aParadeisini?

Yehovha a nyiki Adamu na Evha mintxhumu minyingi leminene. Genesis 1:28

Yehovha a vumbi wansati wa ku sungula, Evha, kutani a mu nyika Adamu leswaku a va nsati wakwe.​—Genesis 2:21, 22.

Yehovha a va vumbi va li ni miyanakanyu ni mirhi lemi hetisekiki, mi pfumalaka bati.

Kaya kwavu ka Paradeisi afa a li xirhambeni xa Edeni​—afa ku li mbangu wa ku xonga lowu nga ni nambu, minsinya ya mihandru ni swiharhi.

Yehovha afa a vulavula na vone; afa a va dondrisa. Loko afa ve mu yingiseta, anha va hanyile aParadeisini amisaveni hi la ku nga helikiki.

 Xikwembu Nkulukumba a va leleti leswaku va nga di mihandru ya wun’we ku minsinya ya le xirhambeni. Genesis 2:16, 17

Yehovha a kombi Adamu na Evha nsinya wun’we axirhambeni, a va byela leswaku loko vo txhuka va da mhandru wa wone, va ta fa.

Yin’we ya tintrumi yi pfukeli Xikwembu Nkulukumba. Ntrumi yoleyo leya ku biha i Sathana Diyavulosi.

Sathana afa a nga swi djuli leswaku Adamu na Evha va yingiseta Yehovha. Hi ndlela yoleyo, a tirhisi nyoka ku byela Evha leswaku loko o da mhandru wa nsinya lowuya, a nge ti fa, kambe a ta fana na Xikwembu Nkulukumba. Kunene, lawa afa a li madrimi.​—Genesis 3:1-5.