Skip to content

Skip to table of contents

Timboni ta Yehovha

Hlawula lidzrimi Xironga

 XIYENGE 5

Hi Vamani Lava Yingisetiki Ni Lava Yaliki Ankameni Wa Ndhambhi Leyikulu?

Hi Vamani Lava Yingisetiki Ni Lava Yaliki Ankameni Wa Ndhambhi Leyikulu?

Vhanu va ku tala ankameni wa Nowa afa va yentxa wubihi. Genesis 6:5

Adamu na Evha va vi ni vana kutani vhanu va yandra amisaveni. Hi ku famba ka nkama, tintrumi tin’wana ti tipatri na Sathana aku pfukeleni kwakwe.

Ti xikeli amisaveni kutani titindruluta vhanu leswaku ti ta kota ku titekela vavasati. Vavasati lava va pswali vana va swihotlovila ni va ku lebya.

Misava mi sungula ku tala hi vhanu lava yentxaka wubihi. Bibele dri li: ‘Ku hona ka vhanu ku talile amisaveni, furhi amiyanakanyu hinkwayu ya swipimiso swa timbilu tavu afa mi bihile ntsena masiku hinkwawu.’

 Nowa a yingiseti Xikwembu Nkulukumba a va a yaka ngalawa. Genesis 6:13, 14, 18, 19, 22

Nowa afa a li mhunu wa ku lulama. Yehovha a byeli Nowa leswaku a ta suvisa vhanu va ku biha hi ndhambhi leyikulu.

Xikwembu Nkulukumba nangweso a byeli Nowa leswaku a yaka boti ledrikulu, ledri vitaniwaka ngalawa, ni ku nghenisa ndangu wakwe ni swiharhi swa minxaka hinkwayu.

Nowa a tivisi vhanu hi ta Ndhambhi leyi afaka yi trhindrekela, kambe a va mu yingisetanga. Van’we afa va mu hleka Nowa; kasi van’wanyana afa va mu venga.

Loko ngalawa yi helile, Nowa a nghenisi swiharhi.