Skip to content

Skip to table of contents

Timboni ta Yehovha

Hlawula lidzrimi Xironga

 XIYENGE 8

Xana Ku Fa Ka Yesu Ku Tlhamuxela Yini Ku Wene?

Xana Ku Fa Ka Yesu Ku Tlhamuxela Yini Ku Wene?

Yesu a hi felile akuva hi kuma wutomi. Yohan 3:16

Antrhaku ka masiku marharhu na Yesu a file, vavasati van’we va yi pfuxela axirheni kutani va kuma leswaku a dri na mhunu. Yehovha afa a pfuxi Yesu axikarhi ka lava fiki.

Yesu a gami a humelela ku vaapostola vakwe.

Ina, Yehovha afa a buyiseli Yesu awuton’wini swanga ntrumi ya ntamu, leyi nga fiki. Vadondrisiwa va Yesu va mu vonile loko a tlhantukela atilweni.

 Xikwembu Nkulukumba a pfuxi Yesu kutani a mu yentxa Hosi ya Nfumu wa Xikwembu Nkulukumba. Daniel 7:13, 14

Yesu a nyikeli wutomi byakwe akuva a hakelela vhanu tirhulo. (Mattheo 20:28) Hi kola ka tirhulo ledro, Xikwembu Nkulukumba a yentxa leswaku swi koteka akuva hi hanya hi la ku nga helikiki.

Yehovha a hlawuli Yesu leswaku a va Hosi akuva a ta fuma misava. Yesu a ta va ni 144.000 wa vhanu va ku dumbeka lava taka pfuxeliwa ku ya hanya atilweni. Yesu ni lava va 144.000 va vumba wuhosi bya ku lulama bya le tilweni​—ku nga Nfumu wa Xikwembu Nkulukumba.​—Apfuletelo 14:1-3.

Nfumu wa Xikwembu Nkulukumba wu ta yentxa misava mi va paradeisi. A ku nge he ti va ni tiyimpi, wugevenga, wusiwana ni ndlala. Vhanu va ta va ni ku nyonxa ka xihlayelanfurhi.​—Psalma 145:16.