Skip to content

Skip to table of contents

Timboni ta Yehovha

Hlawula lidzrimi Xironga

Swidzrimuxu Leswi Yaka Ku Lava Tiki Nhlengeletanwini.

Swidzrimuxu Leswi Yaka Ku Lava Tiki Nhlengeletanwini.

BABATISO Loko ku nga kombisiwanga kumbeni, switsrhamu swa lava va yaka ku babatisiweni swi ta bekiwa a ndzreni ka yindlu-nkulu a phambeli ka palku. Lava va yaka ku babatisiweni va fanela ku tsrhama kone na wukaneli bya babatiso byi nge si na sungula hi Mugqivela ni mixo. Mun’wana ni mun’wana a fanela ku tibuyela ni thawula kun’we ni mpahla ya ku pela ha yone leyi nga khomisiki tingana loko yi tsrakamile.

LESWI LAHLEKIKI NI KU KUMIWA Hinkwaswu leswi lahlekiki swi fanela ku yisiwa ka Ndzrawulo Ya Leswi Lahlekiki. Loko u lahlekeliwe hi xa kukazri, yana ka ndzrawulo leyi u ya kamba. Vatsrongwana lava va lahlekelaniki ni vapswele, navone va fanela ku yisiwa ka ndzrawulo leyi. Nambitasu, akuva u nga kayakayeki na swi nga fanekelanga, siza u hlayisa vanaku, u tsrhama na vone.

NTIZRO WA KU TIZRANDZRELA Loko u navela ku pfunisa hi mintizro leyi djulekaka lani nhlengeletanwini, hi kombela u byela Ndzrawulo Ya Nkongomiso Ni Ntizro Wa Ku Tizrandzrela.

SWIHANANU Swi koxe timali ta ku tala leswaku ku lulamiseliwa mbangu lowunene wa ku tsrhama, mpfumawulu, switizrisiwa swa vídeo, kun’we ni mintizro mimbeni lemi yentxaka swi nyonxisa ku hlalela nhlengeletanu ni ku hi pfuna ku tsrhindzrekela kusuhi na Yehovha. Swihananu swaku swi pfuneta ku hakelela swikoxo leswo ni ku seketela ntizro wa misava hinkwayu. Akuva swi ku nabyalela, a matlhelweni ku bekiwe mabokisi ya swihananu. Swihananu hinkwaswu swi tlangeliwa hi mbilu hinkwayu. Huvu leyi Zrangelaka yi navela ku mi khensa hi leswi mi hananaka akuva mi seketela swidjuleko swa Mfumu.

SWILAMULELA-MHANGU Siza u twisisa leswaku swilamulela-mhangu swi tizrela NTSENA LAVA DJULAKA KU TSRUTSRUMELIWA.

VAKONGOMISI Vakongomisi va tsrhamele ku ku pfuna. Siza u tizrisana na vone hi mbilu ya ku ntsrhunxeka, hi ku yingiseta nkongomiso wavu mayelanu ni ka ku beka mimovha, ku kongomisiwa ka vhanu, ku beka mbangu wa ku tsrhama ni swimbeni.

WUTSRHAMU Hi kombela u khumbeka hi vambeni. Dzrimuka, wutsrhamu byi nga bekeliwa ntsena maxaka ya le kusuhi, lava u yendzraka na vone a movheni, lava u tsrhamaka na vone a kaya, kumbe lava u dondzraka Bibele na vone swoswi. Akuva vambeni va nga hlupheki hi ku djula mbangu, hi kombela u nga pfali mabanku hi ku beketela mintxhumu.

 NTLHANGANU WA KU HLAWULEKA

XIKOLE XA VAZREZRI VA MFUMU Maphayona lama nga ndzreni ka malembe ya 23 ku ya ka 65 lama navelaka ku yengesela ntizro wa wone, ma zrambiwa leswaku ma hlalela ntlhanganu wa lava djulaka ku titsralisa ka Xikole Xa Vazrezri Va Mfumu hi Sonto ni nhlikanhi. A mbangu ni nkama wa ntlhanganu swi ta tivisiwa.

Yi lulamiseliwe hi Huvu Leyi Zrangelaka ya Timboni Ta Yehovha