Skip to content

Timboni ta Yehovha

Hlawula lidzrimi Xironga

Xana Mfumu Wa Xikwembu Nkulukumba I Yini?

Xana Mfumu Wa Xikwembu Nkulukumba I Yini?

U nga ku i . . .

  • ntxhumu lowo ko va mbilwini ya mhunu ntsena?

  • ntxhumu wa ku fananisa ha wone ntsena?

  • wuhosi bya le tilweni?

 LESWI BIBELE DZRI SWI HLAYAKA

‘Xikwembu Nkulukumba wa tilo a ta pfuxa mfumu lowu nga tiki honeka ni siku ni dzrin’we’.—Daniel 2:44, AḆIḆLIA KUMBE AḆUKU ḌA KU ŠWENGA.

‘Hi nyikiwile n’wana wa wandzrisanyana; a vufumi [kumbe wuhosi] byi bekiwile a katleni dzrakwe’.—Ezaya 9:6.

NDLELA LEYI KU TIVA LESWO SWI NGA KU PFUNAKA HA YONE

U ta swi vona leswaku Mfumu lowu

  • i wuhosi bya ku lulama, lebyi nga ku pfunaka nambi o va swoswi.​—Ezaya 48:17, 18.

  • wu ta hi susela mavabyi hinkwawu ni lifu, wu hi tisela ku nyonxa misaveni leyimpswha leyi taka.​—Apfuletelo 21:3, 4.

 XANA HAKUNENE HI NGA SWI KHOLWA LESWI BIBELE DZRI SWI HLAYAKA?

Ina, hi kola ka swivangelo swibidzri, handle ka swin’wana:

  • Yesu a swi kombisile leswi Mfumu wa Xikwembu Nkulukumba wu taka swi yentxa. Yesu a dondzrise valandzreli vakwe akuva va khongota leswaku Mfumu wa Xikwembu Nkulukumba wu ta ni leswaku ku yentxeka ku zrandzra kwakwe la misaveni. (Mattheo 6:9, 10) Yesu a kombise ndlela leyi xikhongoto xolexo xi taka hlamuliwa ha yone.

    Na a ha li la misaveni, Yesu a phamele lava nga ni ndlala, a hanyisa timbabyi a tlhela a pfuxa lava fiki! (Mattheo 15:29-38; Yohan 11:38-44) Swanga Mufumi lweyi a ha taka wa Mfumu wa Xikwembu Nkulukumba, Yesu a nyikele xikombiso xa ku xonga xa leswi Mfumu wu taka swi yentxela vhanu lava taka fumiwa ha wone.​—Apfuletelo 11:15.

  • Mintxhumu leyi humelelaka la misaveni namunhla yi komba leswaku Mfumu wa Xikwembu Nkulukumba wu kusuhi ni ku tlhasa. Yesu a profete leswaku loko Mfumu wu li kusuhi swinene ni ku tisa ku zrula la misaveni, a ku ta va ni tiyimpi, ndlala ni ku tsrekatsreka ka misava.​—Mattheo 24:3, 7.

    Ha yi vona mintxhumu yoleyo namunhla. Kutani ke, hi nga dumba leswaku Mfumu wa Xikwembu Nkulukumba ku nga li khale wu ta helisa swikazratu leswo hinkwaswu.

 XIVUTISO XA KU YANAKANYISISA HA XONE

Xana vhanu va ta hanyisa kuyini loko Mfumu wa Xikwembu Nkulukumba wu ta fuma misava?

Bibele dzra hlamula xivutiso lexo ka AMAPSALMA 37:29 na EZAYA 65:21-23.