Skip to content

Timboni ta Yehovha

Hlawula lidzrimi Xironga

Xana u byi vonisa ku yini wumundruku?

Xana u byi vonisa ku yini wumundruku?

Misava leyi . . .

  • mi ta trhamisa xiswoswi?

  • mi ta biha ku tlulisa mpimu?

  • mi ta yampswa?

 LESWI BIBELE DRI SWI HLAYAKA

‘Xikwembu Nkulukumba a ta hlangula minyembeti hinkwayu amahlweni yavu; ni ku fa ku nga ha vi kone; ku nga ha vi na nkosi, ni ku bongosa, ni ku vaviseka; hikuva swa ku sungula swi hundrile.’​—Apfuletelo 21:3, 4.

NDLELA LEYI SWOSWO SWI NGA KU PFUNAKA HA YONE

U ta nyonxa hi ku tiva leswaku . . .

u ta va ni ntirho lowu nga ni ntlhamuxelo ni lowu trhavisaka.​—Ezaya 65:21-23.

mavabyi ni ku xaniseka hinkwaku swi ta helisiwa.​—Ezaya 25:8; 33:24.

u ta hanya aku nyonxeni kun’we ni ndangu ni vanghanu vaku hi laha ku nga helikiki.​—Psalma 37:11, 29.

 XANA HAKUNENE HI NGA SWI KHOLWA LESWI BIBELE DRI SWI HLAYAKA?

Ina, hikola ka swivangelo swibidri:

  • Xikwembu Nkulukumba a ni wuswikoti bya ku hetisisa leswi a swi dumbisiki. Abibeleni, Yehovha Xikwembu Nkulukumba hi yene ntsena lweyi a vitaniwaka wa “Ntamu Hinkwawu,” hikuva ntamu wakwe a wu na wugamu. (Apfuletelo 15:3) Hi ndlela yoleyo, a nga swi kota ku hetisisa xidumbiso xakwe xa ku ndruluta misava leyi mi va minene. Hi laha Bibele dri hlayaka ha kone, ka ‘Xikwembu Nkulukumba, hinkwaswu swa koteka.’​—Mattheo 19:26.

  • Xikwembu Nkulukumba awa swi nyonxela ku hetisisa leswi a swi dumbisiki. Hi xikombiso, Yehovha awa swi ‘navela’ ku pfuxa vhanu lava fiki.​—Yob 14:14, 15.

    Nangweso, Bibele dri kombisa leswaku Yesu, n’wana wa Xikwembu Nkulukumba, a hanyisi lava ku vabya. Ha yini a yentxi leswo? Hikusa afa a swi rhandra. (Marka 1:40, 41) Yesu a kombisi matrhamela ya Tatana wakwe hi ku hetiseka loko a pfuna lava karhatekaka.​—Yohan 14:9.

    Hi ndlela yoleyo, hi nga va ni ku dumba ka leswaku Yehovha na Yesu va swi djula ku hi pfuna leswaku hi tikholisa hi wumundruku lebyi trhavisaka!​—Psalma 72:​12-​14; 145:16; 2 Petros 3:9.

 XIVUTISO XA KU YANAKANYISISA HA XONE

Xana Xikwembu Nkulukumba a ta mi ndrulutisa ku yini misava leyi mi va minene?

Bibele dri hlamula xivutiso lexo ka MATTHEO 6:9, 10 na DANIEL 2:44.