Skip to content

Timboni ta Yehovha

Hlawula lidzrimi Xironga

Xana vafi va ta tlhela va hanya hakunene?

Xana vafi va ta tlhela va hanya hakunene?

A wu ta ku . . .

  • ina?

  • nikatrongo?

  • kumbexana?

 LESWI BIBELE DRI SWI HLAYAKA

‘Ku ta va ni ku pfuka ka lava ku fa.’​—Amintirho 24:15.

NDLELA LEYI SWOSWO SWI NGA KU PFUNAKA HA YONE

Ku tiva leswo . . .

swi ta ku txhavelela loko u feliwa hi varhandriwa vaku.​—2 Va-le-Korinte 1:3, 4.

swi ta ku trhunxa ka ntxhavo wa ku fa.​—Va-Heberu 2:15.

swi ta ku nyika ku langusela loku tiyiki ka ku tlhela u tlhanganisiwa ni varhandriwa vaku lava fiki.​—Yohan 5:28, 29.

 XANA HAKUNENE HI NGA SWI KHOLWA LESWI BIBELE DRI SWI HLAYAKA?

Ina, hikola ka swivangelo swirharhu:

  • Xikwembu Nkulukumba i Mutumbuluxi wa wutomi. Bibele dri li Yehovha Xikwembu Nkulukumba i ‘nhlovo ya wutomi.’ (Psalma 36:9; Amintirho 17:24, 25) Munyiki wa wutomi bya swivumbiwa hinkwaswu leswi hanyaka hakunene a nga swi kota ku tlhelisela wutomi bya lweyi a fiki.

  • Xikwembu Nkulukumba a pfuxi vhanu lava fiki ankameni wa khale. Bibele dri vulavula hi ntlhanu wa vhanu na varharhu lava pfuxiwiki va tlhela va hanya amisaveni​—ku nga vampshwa, swiduhati, va xinuna ni vaxisati. Vambeni a va ha ku fa, kambe mun’we afa ali axirheni hi mune wa masiku!​—Yohan 11:39-44.

  • Xikwembu Nkulukumba awa swi navela ku tlhela a swi yentxa. Yehovha awa dri venga lifu; a dri vona dri li nala. (1 Va-le-Korinte 15:26) Yehovha awa swi ‘navela’ ku hlula nala lweyo, kumbe ku helisa lifu hi ku pfuxa lava fiki. Awa swi xuva ku pfuxa lava fiki lava nga miyanakanywini yakwe akuva a tlhela a va vona va hanya amisaveni.​—Yob 14:14, 15.

 XIVUTISO XA KU YANAKANYISISA HA XONE

Xana ha yini hi duhala hi tlhela hi fa?

Bibele dri hlamula xivutiso lexo ka GENESIS 3:17-19 na VA-LE-ROMA 5:12.