Skip to content

Timboni ta Yehovha

Hlawula lidzrimi Xironga

Ku djuleka yini akuva ndangu waku wu va ni wutomi lebyi nyonxisaka?

Ku djuleka yini akuva ndangu waku wu va ni wutomi lebyi nyonxisaka?

U vona leswaku . . .

  • i lirhandru?

  • i mali?

  • i ntxhumu wun’wana?

 LESWI BIBELE DRI SWI HLAYAKA

‘Va ni ndjombo lava yingelaka rhitu dra Xikwembu Nkulukumba, va va va dri bekisa.’​—Luka 11:28.

NDLELA LEYI SWOSWO SWI NGA KU PFUNAKA HA YONE

Leswo swi ta ku pfuna . . .

ku rhandriwa hakunene.​—Va-le-Efesa 5:28, 29.

ku bekeliwa xitxhavu hakunene.​—Va-le-Efesa 5:33.

ku xirheleleka hakunene.​—Marka 10:6-9.

 XANA HAKUNENE HI NGA SWI KHOLWA LESWI BIBELE DRI SWI HLAYAKA?

Ina, hikola ka swivangelo swibidri:

  • Xikwembu Nkulukumba i Musunguli wa wutomi bya ndangu. Bibele dri hlaya leswaku mindangu hinkwayu mi huma ka Yehovha Xikwembu Nkulukumba. (Va-le-Efesa 3:14, 15) Hi mahlayela man’wana, mindangu hinkwayu mi tumbuluxiwi ha Yehovha. Ha yini leswo swi li swa lisima?

    A hi ku: U karhi u da swakuda swa ku nandrika, kutani u djula ku tiva leswaku swi swekisiwi ku yini, xana a wu ta vutisa mani? Kunene, a wu ta vutisa musweki wa swone.

    Hi ndlela leyi fanaka, leswaku hi tiva ndlela leyi ha yone hi nga vaka ni wutomi bya ndangu lebyi trhavisaka, hi fanela ku ya ka Yehovha, Musunguli wa ndangu.​—Genesis 2:18-24.

  • Xikwembu Nkulukumba awa rhon’weka ha wene. Loko mindangu mi djulisisa swilayelo swa Yehovha, leswi a swi nyikaka hi ku tirhisa Rhitu drakwe, mi ta va mi tharhihile. Ha yini? ‘Hikusa a rhon’wa ha n’wine.’ (1 Petros 5:6, 7). Yehovha a ku navelela leswinene; furhi swilayelo swakwe swa pfuna minkama hinkwayu!​—Amaproverbia 3:​5, 6; Ezaya 48:17, 18.

 XIVUTISO XA KU YANAKANYISISA HA XONE

Xana u nga va nuna, nsati, kumbe mupswali lwe munene hi ndlela yini?

Bibele dri hlamula xivutiso lexo ka VA-LE-EFESA 5:1, 2 na VA-LE-KOLOSA 3:18-21.