Skip to content

Timboni ta Yehovha

Hlawula lidzrimi Xironga

Xana ku xaniseka ku ta hela siku drin’wana?

Xana ku xaniseka ku ta hela siku drin’wana?

A wu ta ku . . .

  • ina?

  • nikatrongo?

  • kumbexana?

 LESWI BIBELE DRI SWI HLAYAKA

Xikwembu Nkulukumba a ta hlangula minyembeti hinkwayu amahlweni yavu; ni ku fa ku nga ha vi kone; ku nga ha vi na nkosi, ni ku bongosa, ni ku vaviseka.’​—Apfuletelo 21:​3, 4.

NDLELA LEYI SWOSWO SWI NGA KU PFUNAKA HA YONE

Ku tiva leswo swi ta ku nyika . . .

xitiyisekiso xa leswaku Xikwembu Nkulukumba a hi yene a hi vangelaka swikarhatu.​—Yakob 1:13.

ntxhavelelo wa ku tiva leswaku Xikwembu Nkulukumba awa hi twela wusiwana loko hi xaniseka.​—Zekariya 2:8.

ku lavisela ka leswaku ku xaniseka hinkwaku ku ta hela.​—Psalma 37:9-11.

 XANA HAKUNENE HI NGA SWI KHOLWA LESWI BIBELE DRI SWI HLAYAKA?

Ina, hikola ka swivangelo swibidri:

  • Xikwembu Nkulukumba awa ku venga ku xaniseka ni wusomboloki. Yanakanya leswi Yehovha Xikwembu Nkulukumba a titwisiki xiswone loko vhanu vakwe va khomiwi hi tihanyi aminkameni ya Bibele. Bibele dri li a hlomuleki mbilu hi mhaka ya ‘lava va va xanisaka.’​—Avatremi 2:18.

    Xikwembu Nkulukumba awa va venga swinene lava yentxelaka van’wana wubihi. Hi xikombiso, Bibele dri hlaya leswaku ‘mavoko lama halataka ngati leyi ngeke na nandru’ ma nyenyentsa amahlweni kwakwe.​—Amaproverbia 6:16, 17.

  • Xikwembu Nkulukumba awa rhon’weka hi mun’wana ni mun’wana werhu. A hi mhunu mun’wana ni mun’wana ntsena lweyi a tivaka ‘ntungu wakwe ni ku vaviseka kwakwe’, kambe na ye Yehovha awa swi tiva!​2 Makronika 6:29, 30.

    Hi ku tirhisa Nfumu wakwe, Yehovha a ta hatla a helisa ku xaniseka ka mun’wana ni mun’wana. (Mattheo 6:9, 10) Kambe swoswi, Yehovha a txhavelela hi lirhandru hinkwavu lava mu djulaka hi mbilu hinkwayu.​—Amintirho 17:27; 2 Va-le-Korinte 1:3, 4.

 XIVUTISO XA KU YANAKANYISISA HA XONE

Xana ha yini Xikwembu Nkulukumba a pfumelela ku xaniseka?

Bibele dri hlamula xivutiso lexo ka VA-LE-ROMA 5:​12 na 2 PETROS 3:9.