Skip to content

Skip to table of contents

Timboni ta Yehovha

Hlawula lidzrimi Xironga

 DONDZRO 18

Mhaka Leyi Dondzrisaka Ka Vayingiseti

Mhaka Leyi Dondzrisaka Ka Vayingiseti

1 Ba-le-Korinte 9:19-23

NKATSRAKANYU: Nyika vayingiseti xa ku pimisa ha xone, u va siya na va titwa leswaku va dondzre ntxhumu wa kukazri wa lisima kumbe lowu phelaka.

MAYENTXELA YA KONE:

  • Kambela leswi vayingiseti kutani va swi tivaka. A matsrhan’wini ya ku phindhetela ntsena leswi va samiki va swi twa, va pfune ku vona mhaka hi ndlela yin’wana ya ku hambana kumbe leyimpswha.

  • Hamba wusetxhisisi u tlhela u yanakanyisisa. Loko swi koteka, patsra timhaka leti nga tiviwikiki ngopfu kumbe swiyentxakalu swa swonswinyana akuva u kombisa tinhla leti khomiki mhaka. Yehleketisisa hi wuyenti hi mhaka yaku ni ku yelana loku nga kone a xikazri ka yone ni leswi u djulaka ku swi tsrhaha.

  • Komba leswaku leswi u swi hlayaka swi pfuna hi ndlela yini. Tlhamuxela ndlela leyi tinhla ta Matsralwa ti nga pfunaka ha yone vayingiseti ka wutomi byavu bya siku ni siku. Vulavula hi swiyimu, mapimisela ni swiyentxo swa ku kongoma leswi khumbaka wutomi bya vayingiseti vaku.