Skip to content

Timboni ta Yehovha

Hlawula lidzrimi Xironga

Xana hi mani lweyi a fumaka misava hakunene?

Xana hi mani lweyi a fumaka misava hakunene?

U vona leswaku . . .

  • i Xikwembu Nkulukumba?

  • i vhanu?

  • i mun’wana?

 LESWI BIBELE DRI SWI HLAYAKA

‘Amisava hinkwayu mifumiwa hi mubihi.’​—1 Yohan 5:19, Testamente Ledrimpswha ni Mapsalma.

‘An’wana wa Xikwembu Nkulukumba a tile akuva a helisa mintirho ya Diyavulosi.’​—1 Yohan 3:8, Bíblia na Linguagem de Hoje.

NDLELA LEYI SWOSWO SWI NGA KU PFUNAKA HA YONE

Ku tiva leswo swi ta ku pfuna ku kuma . . .

swivangelo leswi twalaka swa swikarhatu swa misava.​—Apfuletelo 12:12.

xivangelo xa ku kholwa leswaku xiyimu xa misava xi ta yampswisiwa.​—1 Yohan 2:17.

 XANA HAKUNENE HI NGA SWI KHOLWA LESWI BIBELE DRI SWI HLAYAKA?

Ina, hikola ka swivangelo swirharhu:

  • Nfumu wa Sathana wu ta helisiwa. Yehovha a tiyimiseli ku helisa nfumu wa Sathana. Yene a dumbisa ku ‘helisa Diyavulosi’ ni ku lulamisa hinkwaswu swa ku biha leswi Sathana a swi yentxiki.​—Va-Heberu 2:14.

  • Xikwembu Nkulukumba a hlawuli Yesu Kriste akuva a va hosi ya misava. Yesu a hambani swinene ni mufumi wa misava leyi, lwe wa tihanyi ni magolo. Mayelana ni Nfumu wa Yesu, Xikwembu Nkulukumba a dumbisa leswi: ‘Yi ta va ni lilondro ku xisiwana ni ku lwe wa ku pfumala. Yi ta tirhula mahika yavu aku xanisiweni ni le ku wutleliweni.’​—Psalma 72:13, 14.

  • Xikwembu Nkulukumba a nga na madrimi. Bible dri swi beka livaleni loko dri ku: ‘A swi koteki leswaku Xikwembu Nkulukumba a hemba.’ (Va-Heberu 6:​18) Loko Yehovha a dumbisa ku yentxa xa n’wantxhumu, xi tiyi ingi hi loko a xi yentxile. (Ezaya 55:10, 11) ‘Mufumi wa misava leyi a ta txukumetiwa handle.’​—Yohan 12:31.

 XIVUTISO XA KU YANAKANYISISA HA XONE

Xana misava mi ta trhamisa ku yini loko mufumi wa yone a suvisiwa?

Bibele dri hlamula xivutiso lexo ka PSALMA 37:10, 11 na APFULETELO 21:3, 4.