Skip to content

Skip to table of contents

Timboni ta Yehovha

Hlawula lidzrimi Xironga

 KU HANYA SWANGA VAKRISTE

Ku Yampswisa Wuswikoti Byezru Bya Ku Zrezra—Ku Tsrala Mapapela Hi Ndlela Leyinene

Ku Yampswisa Wuswikoti Byezru Bya Ku Zrezra—Ku Tsrala Mapapela Hi Ndlela Leyinene

HA YINI SWI LI SWA LISIMA: Buku dzra Ba-le-Korinte i dzrin’we ka 14 wa mapapela lama tsraliwiki hi mupostola Pawulo kuva a kutxa vakriste-kulobye. A papela dzri pfumelela mutsrali wa dzrone kuva a hlawula mazritu hi wutlhazri, nakone lwa dzri yamukelaka a nga dzri dondzra hi ku phindha-phindha. Mapapela i ndlela leyinene ya ku nyikela wumboni ka maxaka ni vavundzramani. Ma tlhela ma va ndlela ya ku nyikela wumboni ka lava swi nga kotekikiki ku bula na vone hi ku kongoma. Hi xikombiso, van’wana va kombisa ku nyonxela kambe swa kazrata ku va kuma makaya. Van’wana ka nsimu yezru swa kazrata ku va kuma hikusa va tsrhama ka tiyindlu leti nga ni vazrindzri, mimiti leyi gogiwiki swi phela kumbe leyi swi nga nabyalikiki ku yi tlhasela. I yini leswi hi fanelaka ku swi yanakanya, ngopfu-ngopfu loko hi tsralela lweyi hi nga mu tivikiki?

MAYENTXELA YA KONE:

  • Hlaya leswi a wu ta mu byela hi ku kongoma. Zranga hi ku tihlaya a masungulweni ya papela dzraku, nakone swi beke livaleni leswaku hi wini nkongometo waku. Kumbexana u nga ha mu hamba xivutiso xa kuva a yanakanyisisa ha xone, u tlhela u mu kongomisa ka saite dzrezru. Kutani mu byele mayelanu ni xidondzro xa Bibele hi ku tizrisa internet, u mu byela ndlela leyi xidondzro xa Bibele xa le makaya xi fambisiwaka xiswone, kumbe u mu bulela hi yin’we ya tinhloko-mhaka ta mabuku yezru ya ku dondzra ha wone. U nga ha siya ni swa ku fana ni kartawu dzra jw.org, xizrambu kumbe xipapelana

  • Kongoma mhakeni. U nga tateli dzrungula la kakuva mhunu a za a kazrala hi ku dzri dondzra.—Vona xikombiso xa papela ka tluka 8

  • Dzri dondzre na u lavisisa swihoxo ku vona swa ku dzri dondzreka ha hombe, xiyisisa ku vona leswaku dzra nabyala ku dzri dondzra, dzri ni mongo lowu yakaka ni leswaku u dzri tsrale hi wutlhazri. Namazreta maselu lama yaneleka ka mvhilope