Skip to content

Skip to table of contents

Timboni ta Yehovha

Hlawula lidzrimi Xironga

 KU HANYA SWANGA VAKRISTE

Yentxa Dondzro Yaku Ya Ximhunu Yi Va Leyi Bindzrulaka

Yentxa Dondzro Yaku Ya Ximhunu Yi Va Leyi Bindzrulaka

HA YINI SWI LI SWA LISIMA: Dondzro ya Bibele ya ximhunu yi hi pfuna ‘akuva hi kuma ntamu wa ku yingiselisisa . . . a ku yanama, ni ku leha, ni ku yenta ni ku tlakuka’ ka xihlayelamfuzri. (Ef 3:18) Leswo swi hi pfuna ku dzrimuka matovoko na hi nge na bati a misaveni ya lwemfani ni ku ‘tamela zritu dzra wutomi’. (Flp 2:15, 16) Dondzro ya ximhunu ya Zritu Dzra Xikwembu Nkulukumba yi hi pfumelela ku tihlawulela leswi hi djulaka ku swi dondzra. Hi nga yentxa yini akuva hi pfuneka hi lani swi kotekaka ha kone ka dondzro ya Bibele?

MAYENTXELA YA KONE:

  • Funga tindzrimana u tlhela u tsrala ni manota ka Bibele dzraku, ku nga ha va ka Bibele dzra papela kumbe dzra eletroniku

  • Tivutise leswi loko u dondzra Bibele: ‘Hi mani? I yini? Dzrini? Kwini? Ha yini? Hi ndlela yini?’

  • Kuma wuyentelelo bya mhaka. Tizrisa switizro swa ku hamba wusetxhisisi leswi nga kone, djulisisa mayelanu ni mhaka leyi u yi dondzraka kumbe ndzrimana ya Bibele

  • Yanakanyisisa hi leswi u swi dondzraka akuva u kuma leswi nga ku pfunaka a wuton’wini byaku

  • Tizrisa leswi u swi dondzraka a wuton’wini bya siku ni siku.​—Lk 6:47, 48

HLALELANI VÍDEO LEDZRI LIKI ‘TAMELA’ SWI TIYA​—VANA NI DONDZRO YA XIMHUNU LEYI BINDZRULAKA, MI GAMA MI HLAMULA SWIVUTISO LESWI LANZDRELAKA:

  • Van’wana va yi tlhamuxelisa kuyini dondzro ya ximhunu?

  • Ha yini hi fanela ku sungula dondzro ya ximhunu hi xikhongoto?

  • I yini lexi nga hi pfunaka ku twisisa xiyenge xa Bibele ha hombe?

  • Hi nga tizrisa minfungu yini ka Bibele dzra ku dondzra ha dzrone?

  • Ha yini ku yanakanyisisa swi li swa lisima loko hi dondzra Bibele?

  • Xana hi fanela ku yentxa yini hi leswi hi swi dondzra?

‘A nawu waku ndzri wu zrandzrisa kuyini! Wone i xiyanakanyu xanga siku hinkwadzru.’​—Ps 119:97