Skip to content

Skip to table of contents

Timboni ta Yehovha

Hlawula lidzrimi Xironga

 KU HANYA SWANGA VAKRISTE

Tolovelana Ni Lava Zrandzraka Yehovha

Tolovelana Ni Lava Zrandzraka Yehovha

Ha yini hi fanela ku tolovelana ni lava zrandzrala Yehovha? Hikusa lava hi tolovelanaka navu va nga hi kutxetela ku yentxa leswinene kumbe leswi bihiki. (Pr 13:20) Hi xikombiso, Hosi Yowaxi a yentxe ‘leswi lulamiki mahlweni ka Yehovha’ nkama lowu a ha heta nkama na a li ni Muprista lwenkulu Yehoyada. (2Mk 24:2) A ntsrhaku ka lifu dzra Yehoyada, Yowaxi a tsrhike ku tizrela Yehovha hi mhaka ya vanghanu va ku biha.​—2Mk 24:17-19.

Ka dzana dzra ku sungula, mupostola Pawulo a fanise bandla dzra xikriste ni ‘yindlu leyikulu’, a tlhele a fanisa swizro swa bandla ni ‘swibya’. Hi djula ku va ‘xibya xa ntizro lowa hombe’ hi ku tingawula ku tolovelana ni mhunu mun’wana ni mun’wana lwa nga yentxikiki ku zrandzra ka Yehovha, nambi a li maxaka yezru kumbe vamakwezru a bandleni. (2Tm 2:20, 21) Hi leswo ke, hi fanela ku ya mahlweni hi hamba xinghanu ni lava zrandzraka Yehovha kun’we ni lava hi kutxaka ku mu tizrela.

HLALELA VÍDEO LEDZRI LIKI TINGAWULA VANGHANU VA KU BIHA, MI GAMA MI HLAMULA SWIVUTISO LESWI LANDZRELAKA:

  • Xana vanghanu va ku biha va nhingenisa kuyini a wuton’wini byezru?

  • Ka vídeo, i yini leswi pfuniki vamakwezru ku tsrhika vanghanu va ku biha?

  • Hi wani matsralwa lama nga ku pfunaka ku hlawula vanghanu lavanene hi wutlhazri?

Xana ni ‘xibya xa ntizro lowa hombe’?​—2Tm 2:21