UKUTWISH KUTAL

(Jinswir 2:1)

  1. 1. Kudi mukand ukweta kamu ma paj mavud,

    Uletin chisambu, ruchingej kudi antu.

    Yitongijok yidiamu yikwet usu nakash;

    Uletin mwom, uburil mes ma antu.

    Mukand winou udi Bibil utumbila.

    Amufunda kudi antu apepilau,

    Ading amukatina Yehova Nzamb,

    Ni ayitakela kudi spiritu wend.

  2. 2. Afunda piur pa yom yatangay Nzamb,

    Ni mutapu watangay mangand mawonsu.

    Alonda mutapu wasalay muntu chitil

    Ni mutapu washadikay Paradis.

    Alonda kand piur pa mwangel umwing

    Wabwambwila ku ukaleng wa Nzamb.

    Kubwambwil kwaleta chitil ni runeng

    Chad Yehova ukuwin piswimp ap.

  3.  3. Chisu cha musangar chidi chakin kamu piswimp:

    Nlel Mwant wa Want wa Nzamb uyikedil.

    Katat tulejen rusangu ruwamp ra Want

    Ni ruchingej ra yiyukish ya Want.

    Mu mukand winou mudi kamu jinsangu jiwamp;

    Ni yakudia yiwamp ya mu spiritu.

    Uletin kand ruchingej kudi antu awonsu;

    Tufanyidin kutang mukand winou.