UKUTWISH KUTAL

(Mateu 10:28)

  1. 1. Yangany kamu kurutu en antu am,

    Lejanany rusangu ruwamp.

    Kuyov akankuny wom bwat.

    Yilejany antu awonsu anch

    Mwanam Yesu wamudjibula

    Satan Djabul panap pansh,

    Ni piswimp ap ukumukas,

    Mulong wa kukwol antu end.

    (KWAKUL MWAS)

    Akatish, kuyovany wom bwat,

    Ap anch akwakamishany.

    Nikuyilam antu am awonsu

    Nawamp mudi kan a dis kam.

  2. 2. Ap anch akankuny adi avud,

    Ap anch akuzengolany,

    Ap anch akubabekany,

    Mulong wa kukudimbany.

    Kangal kwen wayovany wom bwat,

    Ap anch akupompatany,

    Mulong nikuyilam antu am

    Djat ni pakuwininau.

    (KWAKUL MWAS)

    Akatish, kuyovany wom bwat,

    Ap anch akwakamishany.

    Nikuyilam antu am awonsu

    Nawamp mudi kan a dis kam.

  3.  3. Ijikany anch nidi niyenen;

    Nidi usu wen ni rikibu ren.

    Anch rufu rakushikenany,

    Am nikukuvumbulany.

    Kangal kwen wovany wom wa antu

    Ajipina ching mujimbu.

    Shinshamanany djat kwinsudiel;

    Am nikukwinkany difut!

    (KWAKUL MWAS)

    Akatish, kuyovany wom bwat,

    Ap anch akwakamishany.

    Nikuyilam antu am awonsu

    Nawamp mudi kan a dis kam.

(Tal kand Kuv. 32:10; Neh. 4:14; Ps. 59:1; 83:2, 3.)