Ov, mangand metu . . .

  • makwikal mudi madia?

  • mayil ni kuyimp nakash?

  • makwikal mawamp?

 CHILONDINAY BIBIL

“Nzamb . . . ukez kayikuswol mansoj mawonsu ku mes mau. Kukez kikalap kand rufu, ap madil, ap kwishikokin, ap kusansan, mulong yom yikur kiyamekanap kand.”​—Kujingunik 21:3, 4.

CHIKUTWISHA KURUMBURIK MAZU MINAM KUDI EY

Mudimu uwamp ni usangareshina.​—Isay 65:21-23.

Kukez kwikalap ap pakemp mayej ap mar ma mutapu win wawonsu.​—Isay 25:8; 33:24.

Chisangareshina chidi anch majuku ni arund akez kwikal nich mwom wa chikupu.​—Kuseng 37:11, 29.

 OV, TUKUTWISH CHAKIN KAMU KWITIYIJ CHILONDINAY BIBIL?

Mwaning, mulong wa yiyingish yaad ey:

  • Nzamb ukwet ukash wa kuwanyish ya kushilamu. Bibil umutazukin Yehova Nzamb anch udi “Mwin Dikand Diawonsu”, mulong ukwet dikand dikash. (Kujingunik 15:3) Chawiy lel, ndiy udi ni ukash win wawonsu wa kudandamen kuwanyish yakushilamu yend chakwel aswimpa mangand metu mikala mawamp. Mudi mulondina Bibil: “Kudi Nzamb yom yawonsu yikasikenip.”​—Mateu 19:26, TMK.

  • Nzamb ukwet maswir ma kuwanyish ya kushilamu. Chilakej, Yehova wakwil kal anch ukez kayichirish antu afil kal chakwel ikala aom.​—Job 14:14, 15.

    Mulong Bibil ulejan kand anch Mwan wa Nzamb, Yesu, wayoka ayej. Ov, mulong wak wasalay chisal chinech? Mulong ndiy wading ni rusot na kusal mwamu. (Marko 1:40, 41) Yesu wamekesha mu mutapu uwanyidina untu wa Tatukwend kusutil ku kumekesh maswir mend ma kuyikwash antu aswiridina ukwash.​—Yohan 14:9.

    Chawiy lel, tukutwish kwikal nich ukashinsh anch Yehova ni Yesu awonsu aad asotin kutukwash chakwel tusangaredina musangar wa mu machuku ma kurutu!​—Kuseng 72:12-14; 145:16; 2 Pita 3:9.

 CHA KUTONGIJOKIN

Ov, mutapu ik ukezay Nzamb kuswimp mangand metu chakwel mikala mawamp?

Bibil wakwil ku chipul chinech chidia mu MATEU 6:9, 10 ni mu DANIEL 2:44.