Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Yakul ku Yipul 10 Yikatau Ansand Kwiyipul

 CHIPUL CHA 10

Mutapu ik Ukutwishay Bibil Kwinkwash?

Mutapu ik Ukutwishay Bibil Kwinkwash?

MULONG WAK CHIDI CHA USEY

Bibil ulondin anch “mazu mawonsu ma mukand wa Nzamb madiokala ku spiritu wa Nzamb.” (2 Timote 3:16, TMK) Anch chidi mwamu, komb Bibil ukutwish kukwinkish umutakel ukweta nich kuswir.

CHOM IK UFANYIDINA KUSAL?

Tongin bil chom chinech: David waya mwi ngand ya wingendj. Yijingidij ya mwinjil yimekeshin anch kadiap ndond yifanyidinay kwikal. David wamana anch washadikang kal. Wayang kal mwi njil yiyimp pasadinay weny.

Anch yeya wadia David, chom ik wafanyina kusal?

TONG BIL!

Ukwet yom yivud yifanyidina kusal:

  1. Kwipul njil.

  2. Kutal kart, ap GPS.

  3. Kudandamen ni weny ni kutong anch ukutan muntu wa kukulej njil.

Chimeken anch C ndiy udia muwamp.

Chad B usutinamu kutond kwa kusambish. Mulong kart ap GPS ukutwish kukukwash mu weny mulong umudi nich ku makas.

Bibil ukutwish niyend kukukwash mu mutapu winou!

Buku winou wa usey ukutwish

  • kukukwash kupwish milong yey

  • kukukwash kwilej piur peyey ni kwikal muntu muwamp

  • kukukwash kand kwikal ni mashakamin mawamp

 KWAKUL KU YIPUL YIJIM

Kudiokal chisu tukata kusambish kulond, tukat kwipulang yipul.

  • Mulong wak diur dikwet ulomb wa kanyik?

  • Atutumbu ayisala nchik?

Kupwa tukat kwipulang kand piur pa yom yitunyingumukina.

Chikwikal nchik anch yakul ku yipul yiney yiding kwau mu Bibil?

Antu avud akat kalond anch Bibil winzwil too ni yishimu ni jingany, udi mukuru nakash, ap anch chikasiken kumutesh. Pakwez Bibil ndiy ukweta mulong anch yikatau antu kutesh piur pa Bibil yawiy yikweta mulong? Ov, ayidimba piur pa Bibil?

Chilakej, antu akat kutong anch Bibil ulondin anch Nzamb uyikedil mangand. Pakwez, mutapu ik chikutwisha kwikal mwamu? Mangand mizwil ni yom yiyimp! Mizwil too ni kusansan ni mar, mayej ni rufu, uzwendj ni mar ma chitangil. Mutapu ik ukutwishay Nzamb wa rukat kwikal musul wa yom yiney?

Ov, ukatin kwijik chakul? Yom yilondinay Bibil piur pa muntu utakedila mangand yikutwish kukushimokish!

Waman kal anch yiyul yidia mu broshir winou yimedin pa Bibil. Atuman a Yehova akwet kashinsh anch Bibil udi musul wa umutakel wakin. Chinech chidi mwamu mulong “mazu mawonsu ma mukand wa Nzamb madiokala ku spiritu wa Nzamb, makutwish kuyilej antu kuyibabesh ni kuyitenchik.” (2 Timote 3:16, 17) Ukutwish kutaninamu anch wamwilej buku winou mukuru pakwez wa usey nakash!

CHAKWEL WIJIKA YOM YIVUD

Kwit Dilejan dia Bibil Pakad Kufut Nfalang

Ov, Yom Ik Yisadikininga pa Chisu cha Dilejan dia Bibil?

Mu mangand mawonsu, Atuman a Yehova ijiken mulong wa program wa kutakel dilejan dia Bibil pakad kufut nfalang. Tal mutapu usadikininga dilejan.