Ov, utongin anch udi . . .

  • rukat?

  • nfalang?

  • chom chikwau kanang?

 CHILONDINAY BIBIL

“Ayuk kwau antu akata kutesh dizu dia Nzamb ni kudisadil!”​—Luka 11:28.

CHIKUTWISHA KURUMBURIK MAZU MINAM KUDI EY

Ukutan rukat rakin.​—Efes 5:28, 29.

Ukusanger kalimish kakin.​—Efes 5:33.

Ukwikal ni diking diakin.​—Marko 10:6-9.

 OV, TUKUTWISH CHAKIN KAMU KWITIYIJ CHILONDINAY BIBIL?

Mwaning, mulong wa yiyingish yaad ey:

  • Nzamb ndiy Sakatang wa dijuku. Bibil ulondin anch: ‘majuku . . . mawonsu amapidil mu dijin’ dia Yehova Nzamb. (Efes 3:14, 15) Chikwau kand, ditenchik dia dijuku didiaku mulong Yehova ndiy waditanga. Ov, chirumburikin ik chom chinech?

    Tongin bil: Anch wasanger yakudia yitadina ni usotin kwijik yom yisukau nich, ov, ukutwish kumwipul nany chakwel akuleja? Chakin kamu, ukutwish kumwipul muntu wisuka yakudia yiney.

    Chilik chimwing kand, chakwel ujingunina yom yikuleta musangar mu dijuku, chitwitin kumwipul Yehova, Sakatang watenchika dijuku.—Disambishil 2:18-24.

  • Nzamb ukat ku kumbangin. Majuku maswiridin kukimb nich manangu chiyul cha Yehova, chipaninay mu Dizu diend. Ov, mulong wak? “Mulong ukat kukulamany.” (1 Pita 5:6, 7) Yehova ukat kusanger yovil yey ya mu muchim​—ni chiyul chend chidi cha kusadil machuku min mawonsu!​—Jinswir 3:5, 6; Isay 48:17, 18.

 CHA KUTONGIJOKIN

Ov, mutapu ik ukutwisha kwikal ikundj, mband ap anvaj muwamp?

Bibil wakwil ku chipul chinech chidia mu EFES 5:1, 2 ni mu KOLOSAY 3:18-21.