Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Chom ik Chitufundishinay Bibil?

Chisu Chitongijok cha Nzamb piur Petwetu?

Chisu Chitongijok cha Nzamb piur Petwetu?

ANCH watang jurnal, watal televizion ap watesh radio, ukuman ni kutesh jinsangu jivud ja chisum, njit ni kujipan. Pamwing ap wamenap kal mar mulong wa mayej, ap mulong wa rufu ra muntu ukatina nakash.

Iyipula anch:

  • Ov, yawiy yikatinay Nzamb mulong wamam ni dijuku diam?

  • Kwisu ni kutwisha kutan ukwash mulong wa kurish ni milong yam?

  • Ov, kukwikal kamu chisambu?

Bibil upanin yakul yakin ku yipul yiney.

 BIBIL UTUFUNSHIN ANCH NZAMB UKUSAL YOM YISHIMWOKISHENA PA DIVU.

  • Antu kakwovap kand kusansan, kakunanapap, ap kufa.—Kujingunik 21:4

  • “Ayishet akez kamatok mudi atubaj.” —Isay 35:6

  • “Mes ma amputames makez kaburik.” —Isay 35:5

  •  Afu akuvumbuk. —Yohan 5:28, 29

  • Kwikil muntu ukuyela. —Isay 33:24

  • Antu awonsu adia pa divu akwikal ni yakudia yivud. —Kuseng 72:16

 TANINAMU MU YOM YIFUNDISHINAY BIBIL

Piukutanga ma paj makemp ma kwisambishil chiswapel kutong anch yom yiutangina yidi kwau yilat. Pakwez Nzamb washilamu anch piswimp ap ukuswimp yom yiney panap pansh, ni Bibil urumburil mutapu ukusalay mwamu.

Bibil ulejen yom yivud kulik ching yiney. Bibil utulejin yitufanyidina kusal mulong wa kwikal ni musangar wakin mu mwom kudiokal lel. Tong bil pakemp piur pa yom yikata kukwakamish. Pakach pa yom yiney pakutwish kwikal nfalang ap milong ya mu dijuku, mayej ap rufu ra muntu ukatina. Bibil ukutwish kukukwash kurish ni milong yiney, ni ukutwish kand kukukasikesh kusutin ku kwakul ku yipul mudi yiney:

 Piutangina buku winou umekeshin anch ukatin kwijik chifundishinay Bibil. Buku winou ukukukwash. Buku winou ukwet yipul ya ma paragraf, yikutwisha kukukwash chakwel utesha Bibil nawamp. Antu avud asangera kwisambin piur pa Bibil pamwing nau Atuman a Yehova. Tuchingejin anch ukusanger niyey. Nzamb akuyukisha paukujingunina yikufundishinay Bibil!

CHAKWEL WIJIKA YOM YIVUD

Kwit Dilejan dia Bibil Pakad Kufut Nfalang

Ov, Mulong Wak Kwilej Bibil?

Bibil ukwashining mamiliyon ma antu adia mu mangand kutan yakul ku yipul ya usey nakash ya mwom. Ov, ukusot kwikal umwing wa pakach pau?

Kwit Dilejan dia Bibil Pakad Kufut Nfalang

Ov, Yom Ik Yisadikininga pa Chisu cha Dilejan dia Bibil?

Mu mangand mawonsu, Atuman a Yehova ijiken mulong wa program wa kutakel dilejan dia Bibil pakad kufut nfalang. Tal mutapu usadikininga dilejan.