Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Malejan Ukutwisha Kwilej mu Bibil

 DILEJAN 52

Amasalay a Yehova Akweta Usu Nakash

Amasalay a Yehova Akweta Usu Nakash

Ben hadad mwant wa Siria waya kuyirishikish in Isarel. Pakwez, muprofet Elisha wamubabesha mwant wa in Isarel tupamp tuvud chawiy chamukwashang iyepa. Chawiy, Ben hadad wakwata mupak wa kumujip Elisha. Wajingunina anch Elisha udi mu musumb wa Dotan ni watuma amasalay a in Siria chakwel amukwata.

In Siria eza uchuku ku Dotan. Pamanch, kashalapol wa Elisha wabudika pol ni wamana anch ayinyingumukang kal kudi amasalay. Wova wom nakash ni watoya anch: ‘Elisha yom ik tukusala?’ Elisha wamuleja anch: ‘Atudia nau etu apandaken kuvul kusutamu adia ni awiy.’ Pa chisu chinicha, Yehova wasala anch kashalapol wa Elisha amana pa mikandu yawonsu yinyingumukina musumb pizulankal atubar ni matemb ma njit.

Pakimbau amasalay in Siria kumukwat Elisha, ndiy walembila anch: ‘Yehova yipuputisha mes.’ Kapamp kamwing amasalay awonsu kamanap ni kijikap ndond yafanyinau kuya. Elisha wayileja  amasalay anch: ‘Udiany mu musumb uyimp. Nlondulany, chakwel nikulejany muntu ukimbinanya.’ Amulondula Elisha djat ni kushik ku Samaria kwadingay mwant wa Isarel.

Kupwa, in Siria ajingunina ndond yidiau. Mwant wa Isarel wamwipula Elisha anch: ‘Ov, niyijipa?’ Ov, Elisha wamana anch chawiy chisu chiwamp cha kuyijip antu inay? Bwat. Elisha walonda anch: ‘Kangal wayijip. Yinkisha yakudia chakwel achirika kwau.’ Chawiy, mwant wasala nau musambu ni wayileja chakwel achirika kwadiokalau.

“Chawiy katat ruchingej ritukweta kudi Nzamb rawiy riner, anch twamwit chom, chad twamwit mudi mudia rusot rend, ndiy ukututesh.”—1 Yohan 5:14