Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Malejan Ukutwisha Kwilej mu Bibil

 DILEJAN 37

Yehova Umulejin Samwel

Yehova Umulejin Samwel

Mwin Kupesh Mujim Eli wading ni an aad amakundj asalang mudi in kupesh mu dizang. Majin mau Hofini ni Fines. Kaziyinangap ku yijil ya Yehova, ni ayisadinanga antu mu mutapu uyimp. Chisu chaletangau in Isarel yakupesh mulong wa Yehova, Hofini ni Fines asendang mbij jiwamp ja awiy. Eli wateshang piur pa yom yasalangau anend, pakwez kasalap chom pa mulong winou. Ov, Yehova walika yom yiney yidandamena kusadik?

Ap anch Samwel wading mwanikanch kusutamu Hofini ni Fines, kayimburijap. Yehova wamusangera Samwel. Uchuku umwing pading palelay, Samwel watesha dizu diatazuk lel dijin diend. Walanka, waya mau kudi Eli, ni walonda anch: ‘Am ou!’ Pakwez Eli wamwakula anch: ‘Nikutazukinap. Chirik ulala.’ Samwel wachirika pa ulal. Amutazuka kand kapamp kakwau. Pateshay Samwel dizu kapamp ka kasatu, Eli wajingunina anch Yehova ndiy umutazukina Samwel. Wamuleja Samwel anch ang watesh kand dizu kapamp kakwau, ufanyidin kulond anch: ‘Yehova lond kwey. Kashalapol wey ukuteshin.’

Samwel wachirika pa ulal. Kupwa watesha amutazuk anch: ‘Samwel! Samwel!’ Wakula anch: ‘Lond kwey, mulong kashalapol  wey ukuteshin.’ Yehova wamuleja anch: ‘Muleja Eli anch nikumupup ndiy ni dijuku diend, mulong wij anch anend asadin yom yiyimp mu dizang diam, pakwez kasadinap chom pa mulong winou.’ Mukwacha Samwel wazurila chis cha ku dizang, mudi mwasalangay. Wading wovil wom wa kumulej mwin kupesh mujim yom yalonday Yehova. Pakwez Eli wamutazuka ni wamwipula anch: ‘Mwanam ikundj, yom ik yakulejangay Yehova? Nleja yom yawonsu.’ Chawiy Samwel wamuleja Eli yom yawonsu.

Pading payilay Samwel mu kupam, Yehova wadandamena kwikal nend. Mwi ngand yawonsu, in Isarel awonsu ijika anch Yehova wamutondin Samwel kwikal muprofet ni nzwij.

“Muvurika Sakatang wey mu machuku ma usand wey.” —Mulej 12:1