Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Malejan Ukutwisha Kwilej mu Bibil

 DILEJAN 29

Yehova Wamutond kal Joshua

Yehova Wamutond kal Joshua

Kupwa kwa kutakel muchid wa Isarel mu mivu yivud, Moses wading piswimp ni kufa. Yehova wamuleja anch: ‘Ukuyitwalap kand an a Isarel mwi Ngand ya Kushilamu. Pakwez nikusal anch uman ngand.’ Moses wamuleja Yehova anch atond ntakel mwindjing chakwel alama muchid wa Isarel. Yehova wamuleja anch: ‘Yang kudi Joshua, ni muleja anch namutond kal kwikal ntakel.’

Moses wayileja in Isarel anch ukimbin kufa ni anch Yehova wamutondin Joshua mulong wa kuyitakel kushik ni pakushikau mwi Ngand ya Kushilamu. Moses wamuleja Joshua anch: ‘Kangal wov wom. Yehova ukukukwash.’ Kupwa kwa yom yiney, Moses waya piur pa Mukandu wa Nebo, pinipa Yehova wamuleja kutal ngand Yashilayamu kudi Aburaham, Isak, ni Jakob. Moses wafa ni mivu 120.

Yehova wamuleja Joshua anch: ‘Auk Wit wa Yordan, ni yang mu Kanan. Nikukukwash mudi namukwasha Moses. Ikal ni kashinsh anch utangining Yijil yam dichuku diawonsu. Kangal wov  wom. Ikal muntu utakamena. Yang ni sal yom nakulejina kusal.’

Joshua watuma in kutentish aad mu musumb wa Yeriko. Mu rusangu rilondwilaku er, tukwilej yom yivud piur pa yom yasadika mu Yeriko. Pachirikau, alejana anch chinech chawiy chisu chiwamp cha kuya mu Kanan. Mukwacha, Joshua wayileja in Isarel anch irijek. Wayiteka in kupesh ading asendina mushet wa manswik kurutu chakwel auka Wit wa Yordan. Wit wading wizulang kal. Pakwez pandjikau in kupesh mend mu mem, mem mimana, ni mauma! In kupesh endina pakach ni pakach pa wit ni imana pinipa kushik ni pauka muchid wawonsu. Utongin anch chilay chinech chayivurisha yom yasalay Yehova pa Karung Musuz?

Kupwa kwa mivu yiney yawonsu, in Isarel ashika mwi Ngand ya Kushilamu. Atunga yikumbu ni misumb. Adima yir ya nviny, ni mitond yikwau. Yading ngand yizwila mayel ni woch.

‘Yehova ukez kikal mwin kukutakelany yisu yawonsu. Ni ukez kakwikutishany mwi ngand ya nzal.’ —Isay 58:11