Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Malejan Ukutwisha Kwilej mu Bibil

 DILEJAN 21

Chipupu cha Dikum

Chipupu cha Dikum

Moses wamukana Farao anch kakupakishap kand kumuman kapamp kakwau. Pakwez kurutu kwa kuya, wamuleja Farao anch: ‘Mukach mwa uchuku, mwan mwawonsu wa kusambish wa mwin Idjibit mwawonsu, kusambishin kudi mwan wa Farao kushik ni kudi an akusambish a amwilomb ukufa.’

Yehova wayileja in Isarel kwikal ni chakudia cha pakampwil. Walonda anch: ‘Jipany mwan a mukoku ap wa mpemb ikwal wakad ulim, wa muvu umwing ni nonany mash makemp umakusany ku yibamb ya ku yis. Oshany mbij, ni jidiany nich mabot makad chivish. Djalany mikab mwi mbund, djalany yisapat ku mend, ni irijekany mulong wa kuya. Uchuku winou nikukukolany.’ Ukutwish kutong mutapu wasangarau in Isarel?

Mukach mwa uchuku, mwangel wa Yehova waya ku chikumbu ni chikumbu mu Idjibit. Yikumbu yading yakad kukus mash ku yibamb, mwan wa kusambish wafa. Pakwez mwangel wasuta ku yikumbu yading yikusinau mash ku yibamb. Ku dijuku din diawonsu dia mwin Idjibit, mpich ni kazwendj afisha mwan wa kusambish. Pakwez kwikil mwan ap umwing wa mwin Isarel wafa.

Ap mwan wa kusambish wa Farao wafa. Farao kamanap kand chom chakusal. Pakad kulab wamuleja Moses  ni Aron anch: ‘Tumbukany. Diokalany pinap. Yangany ukamwifukwilany Nzamb wen. Sendany annam en yangany!’

Ngond wading uzazin, in Isarel adiokala mu Idjibit, irijeka mu majuku ni michid. Kwading amakundj uvud wa 600 000 ni amband avud ni an. Chikwau kand, antu akwau avud aya nau mulong wa kumwifukwil Yehova. In Isarel ayikola!

Mulong wa kuvurik mutapu wayikolau kudi Yehova, ading ni chakudia chawiy chimwing cha pakampwil muvu win wawonsu. Autazukang musambu winou anch Pasak.

‘Chawiy chinakulika uchinchikish muchim wey mulong wa kumekeshin ukash wam mu ey, ni mulong wa kupalangesh dijin diam mu mangand mawonsu.’ —Rom 9:17